நார்த் ஈஸ்ட் யுனைடெட் மேலாளர் ஜெரார்ட் நஸ் பணிநீக்கம்!

நார்த் ஈஸ்ட் யுனைடெட் அணியின் மேலாளராக 2020ஆம் ஆண்டு நியமிக்கப்பட்ட ஜெரார்ட் நஸ் பணி நீக்கம் செய்யப்பட்டுள்ளார். கடந்த ஏழு ஆட்டத்தில் ஒரு வெற்றி கூட பதிவு செய்யாததால் நிர்வாகம் அதிரடி முடிவெடுத்துள்ளது.

லிவர்பூல், எல்சே, வோலெகானோ, பிரைட்டன் போன்ற பெரிய அணிகளுக்காக பணிபுரிந்த ஜெரார்ட் நஸ், 2020ஆம் ஆண்டு ஆகஸ்டு மாதம் நார்த் ஈஸ்ட் யுனைடெட் அணியின் மேலாளராக நியமிக்கப்பட்டார்.

பெரிதும் எதிர்பார்க்கப்பட்ட இவர் தனது முதல் ஆட்டத்தில் சக்திவாய்ந்த மும்பை அணியுடன் 1-0 என்ற கோல் கணக்கில் வெற்றி பெற, அருமையான துவக்கமாக அமைந்தது. முதல் நான்கு ஆட்டத்தில் தோல்வி எதுவும் பதிவு செய்யாமல் இரண்டு வெற்றி, இரண்டு டிரா என உறுதியளிக்கும் முதல் நான்கு ஆட்டங்கலாக அமைந்தது.

அவரது தேன்நிலவு காலம் அத்தொடுமுடிய, டிசம்பர் மாதம் 5ஆம் தேதி ஈஸ்ட் பெங்கால் அணியுடனான வெற்றிக்கு பின் நடைபெற்ற ஏழு ஆட்டத்தில் நான்கு டிரா மற்றும் மூன்று தோல்வி என படுமோசமான ஆட்டத்தை வெளிப்படுத்தியதன் காரணமாக புள்ளி பட்டியலில் ஏழாவது இடத்தில் தவித்து வருகிறது.

போக்பா வெறித்தனம்: முதலிடத்திற்கு முன்னேறியது மான்செஸ்டர் யுனைடெட்!

நேற்றிரவு பெங்களூரு அணியுடனான ஆட்டத்தில் 1-1 என மீண்டும் ஒரு டிரா ஆனதால் இவரை பணியிலிருந்து நீக்கியுள்ளனர். நார்த் ஈஸ்ட் யுனைடெட் அணி கடைசி ஏழு ஆண்டுகளில் எட்டு மெலாளர்களை நீக்கியுள்ளது குறிப்பிடத்தக்கது. இவருக்கு பதிலாக துணை மேலாளராக இருந்த காளிட் ஜமில் தற்காலிக மேலாளராக நியமிக்கப்பட்டுள்ளார்.


ஜெரார்ட் நஸின் பணிநீக்கம் பற்றி வெவ்வேறு கருத்துக்களை ரசிகர்கள் சமூக வலைதளங்களில் பகிர்ந்து வருகின்றனர். குறிப்பாக ஆண்டு தோறும் மேலாளர்களை மாற்றுவது வெற்றியை தராது என்ற கருத்தை அதிகம்பேர் முன்வைத்துவருகின்றனர்.