இதனால் ஜூவென்டஸ் அணி 1 - 0 என்ற கோல் கணக்கில் முன்னிலை பெற்று நல்ல தொடக்கத்தை ஏற்படுத்தியது. இரண்டாவது பாதியிலும் சிறப்பான ஆட்டத்தை வெளிப்படுத்தி ஜூவென்டஸ் அணி வெற்றிபெறும் என்று எதிர்பார்த்த நிலையில், உதினீஸ் அணி வீரர்கள் வியூகங்கள் அமைத்துச் செயல்பட்டதால் ஜூவென்டஸ் அணியின் வெற்றிக் கனவு தகர்ந்தது.
கொரோனாவால இப்படி ஒரு நன்மை நடந்துருக்காம்: சொல்கிறார் விஸ்வநாதன் ஆனந்த்
முதல் பாதியில் செய்த தவறுகளைத் திருத்திக் கொண்டு, இரண்டாவது பாதியில் உதினீஸ் அணி சிறப்பான ஆட்டத்தை வெளிப்படுத்தியது. வீரர்களின் சிறப்பான செயல்பட்டால் உதினீஸ் அணியின் கட்டுப்பாட்டில் பந்து தொடர்ந்து இருந்து வந்தது. இரண்டாவது பாதி ஆரம்பித்த சில நிமிடங்களில்(52ஆவது நிமிடம்) உதினீஸ் அணி வீரர் இலிஜா நெஸ்டோரோவ்ஸ்சி பதில் கோல் அடித்து 1 - 1 என போட்டியைச் சமன் செய்தார்.
இதனால் ஆட்டத்தில் விறுவிறுப்பு தொற்றிக் கொண்டது. இரு அணி வீரர்களும் கோல் அடிப்பதற்குக் கடுமையாக முயற்சித்தனர். போட்டி டிரா ஆகும் என்று எதிர்பார்க்கப்பட்ட நிலையில் 92ஆவது நிமிடத்தில் உதினீஸ் அணி வீரர் சேகோ ஃபோபனா கோல் அடித்து ஜூவென்டஸ் அணி ரசிகர்களின் வெற்றிக் கொண்டாட்டத்திற்கு முட்டுக்கட்டை போட்டார்.
இதனால் உதினீஸ் அணி 2-1 என்ற கோல் கணக்கில் வெற்றிபெற்று ஜூவென்டஸ் அணியை வீழ்த்தியது. ஜூவென்டஸ் அணி 35 ஆட்டங்களில் விளையாடி 80 புள்ளிகள் பெற்று முதலிடத்தில் உள்ளது. வருகிற ஞாயிறு அன்று சம்ப்டோரியா அணியை எதிர்த்து ஜூவென்டஸ் அணி விளையாட உள்ளது. அப்போட்டியில், ஜூவென்டஸ் அணி வெற்றிபெற்றால் மட்டுமே சாம்பியன் பட்டத்தைத் தட்டிச் செல்ல முடியும் என்ற நிலை ஏற்பட்டுள்ளது.
சீனாவில் மீண்டும் கொரோனா: விலையுயர்ந்த விளையாட்டுப் பொருள்கள்!
போட்டி முடிந்த பின்பு பேசிய ஜூவென்டஸ் அணியின் தலைமை நிர்வாகி மௌரிசியோ சாரி, “வீரர்கள் செய்த சில சின்னஞ்சிறு தவறுகளால் வெற்றி வாய்ப்பை இழந்தோம். நாங்கள் எந்த நிலையிலும் வெற்றிபெற வேண்டும் என்ற எண்ணத்தில்தான் விளையாடி வருகிறோம்” என்றார்.
Mobile AppDownload Get Updated News