ஜூவென்டஸ் அணி இதற்குமுன் லாசியோ அணியை எதிர்த்து விளையாடி இருந்தது. அப்போட்டியில் ரொனால்டோ இரண்டு கோல்கள் அடித்ததால் 2-1 என்ற கோல்கணக்கில் ஜூவென்டஸ் அணி வெற்றிபெற்றது. இதன்மூலம் ரொனால்டோ கால்பந்து சீரிஸ் ஏ தொடரில் 50 கோல்கள் அடித்த முதல் வீரர் என்ற சாதனையைப் படைத்துள்ளார். லாசியோ அணியை வீழ்த்தியதன் மூலம் ஜூவென்டஸ் அணி 80 புள்ளிகளுடன் முதலிடத்தில் உள்ளது.
சீனாவில் மீண்டும் கொரோனா: விலையுயர்ந்த விளையாட்டுப் பொருள்கள்!
லாசியோ அணி தொடர்ந்து மூன்று தோல்விகளைச் சந்தித்து ஜூவென்டஸ் அணியை விட 11 புள்ளிகள் பின்தங்கி புள்ளிப்பட்டியலில் 4ஆவது இடத்தில் உள்ளது. லாசியோ அணியை வீழ்த்தியைத் தொடர்ந்து உதினீஸ் அணியையும் வீழ்த்தி ஜூவென்டஸ் அணி முதலிடத்தைத் தக்க வைக்கும் என்று எதிர்பார்க்கப்படுகிறது. உதினீஸ் அணி 36 புள்ளிகள் பெற்று 16ஆவது இடத்தில் உள்ளது.
எதிர்வரும் அனைத்துப் போட்டிகளிலும் வெற்றிபெற்றாக வேண்டும் என்ற கட்டாயத்தில் உதினீஸ் அணி உள்ளதால் இன்றைய ஆட்டத்தில் அனல் பறக்கும் என்று கூறப்படுகிறது. இதற்குமுன் நடைபெற்ற லாசியோ அணிக்கு எதிரான போட்டியின் போது ஜூவென்டஸ் அணியின் கேப்டன் லியோனார்டோ போனூசி செய்த தவறின் காரணமாக அவருக்கு மஞ்சள் அட்டை காண்பிக்கப்பட்டது.
இத்தொடரில் 10ஆவது முறையாக அவருக்கு மஞ்சள் அட்டை காண்பிக்கப்பட்டதால் உதினீஸ் அணிக்கு எதிரான போட்டியில் பங்கேற்க அவருக்குத் தடை விதிக்கப்பட்டுள்ளது. இது ஜூவென்டஸ் அணிக்குப் பின்னடைவாக பார்க்கப்படுகிறது. உதினீஸ் அணியில் வாலஸ், மாட்டோ ஜஜலோ போன்ற வீரர்கள் காயத்தால் அவதிப்படுவதால் உதினீஸ் அணியின் வெற்றிக்கு இது தடையாக இருக்கும் என்று கூறப்படுகிறது.
பிரீமியர் லீக் கால்பந்து போட்டி: பட்டம் வென்று சாதனை படைத்தது லிவர்பூல் அணி!
இதற்குமுன் ஜூவென்டஸ் அணியும், உதினீஸ் அணியும் 91 முறை நேருக்கு நேர் மோதியுள்ளது. அதில் 62 முறை ஜூவென்டஸ் அணியும், 12 முறை உதினீஸ் அணியும் வெற்றிபெற்றுள்ளன. 17 போட்டிகள் டிரா ஆகியுள்ளன. ஜூவென்டிஸ் அணி வீரர் ரொனால்டோ இன்றைய போட்டியில் கோல் மழைப் பொழிந்து முதலிடத்திற்கு முன்னேறுவார் என்று ஜூவென்டஸ் அணி ரசிகர்கள் நம்பிக்கையுடன் காத்திருக்கின்றனர்.
Mobile AppDownload Get Updated News