ஆஸ்திரேலிய ஓபன் டென்னிஸ்: வெறித்தனமா வென்ற ஜோகோவிச்... பெடரர் சொதப்பல்... வெளியேறிய போபண்ணா!

ஆஸ்திரேலியாவின் மெல்போர்ன் நகரில் ஆண்டின் முதல் கிராண்ட்ஸ்லாம் டென்னிஸ் தொடரான ஆஸ்திரேலிய ஓபன் டென்னிஸ் தொடர் நடக்கிறது. இதன் கலப்பு இரட்டையர் பிரிவு காலிறுதியில் இந்தியாவின் ரோஹன் போபண்ணா, உக்ரைனின் நாடியா கிச்சென்னாக் ஜோடி, குரோசியாவின் நிகோலா மெக்சிக், செக் குடியரசின் பார்போரா ரெஜ்கிக்கோவா ஜோடியை எதிர்கொண்டது.


இதில் ஆரம்பம் முதல் போபண்ணா ஜோடி சொதப்பலான ஆட்டத்தை வெளிப்படுத்தியது. இதன் முதல் செட்டை 0-6 என இழந்த போபண்ணா ஜோடி, இரண்டாவது செட்டையும் 2-6 என பறிகொடுத்தது. முடிவில், இந்தியாவின் ரோஹன் போபண்ணா, உக்ரைனின் நாடியா கிச்சென்னாக் ஜோடி, குரோசியாவின் நிகோலா மெக்சிக், செக் குடியரசின் பார்போரா ரெஜ்கிக்கோவா ஜோடியிடம் 0-6, 2-6 என்ற செட்களில் தோல்வியடைந்து வெளியேறியது.

பார்டி ஏமாற்றம்
இதே போல பெண்கள் ஒற்றையர் பிரிவு அரையிறுதியில், ஆஸ்திரேலியாவின் ஆஸ்லே பார்டி, அமெரிக்காவின் சோபியா கென்னிடம் 7-6, 7-5 என்ற செட்களில் தோல்வியடைந்து வெளியேறினார். மற்றொரு பெண்கள் ஒற்றையர் பிரிவு அரையிறுதியில், ஸ்பெயினின் முருகுசா, ருமேனியாவின் சிமோனா ஹலேப்பை 7-6, 7-5 என்ற செட்களில் வீழ்த்தி ஃபைனலுக்கு தகுதி பெற்றார்.


பெடரர் ஏமாற்றம்
இதேபோல ஆண்கள் ஒற்றையர் பிரிவு அரையிறுதியில் சுவிட்சர்லாந்தின் ரோஜர் பெடரர், செர்பியாவின்நோவாக் ஜோகோவிச்சை எதிர்கொண்டார். இதன் முதல் செட்டை பெடரர் 4-1 என முன்னிலையில் இருந்தார். இதையடுத்து எழுச்சி பெற்ற ஜோகோவிச் வெறித்தனக்மாக எழுச்சி பெற்று 7-6 என தன்வசப்படுத்தினார். தொடர்ந்து நடந்த இரண்டாவது செட்டில் ஆதிக்கம் செலுத்திய ஜோகோவிச் 6-4 கைப்பற்றினார். மூன்றாவது செட்டிலும் சிறப்பான ஆட்டத்தை வெளிப்படுத்திய ஜோகோவிச் 6-3 என வென்றார்.

இறுதியில், செர்பியாவின் ஜோஜோவிட் சுவிட்சர்லாந்தின் ரோஜர் பெடரரை 7-6, 6-4, 6-3 என வெற்றி பெற்று ஃபைனக்குள் நுழைந்தார்.