ஆஸ்திரேலிய ஓபன் டென்னிஸ்: காலிறுதியில் ஜோகோவிச், பெடரர்!

ஆஸ்திரேலியாவின் மெல்போர்ன் நகரில் ஆண்டின் முதல் கிராண்ட்ஸ்லாம் டென்னிஸ் தொடரான ஆஸ்திரேலிய ஓபன் டென்னிஸ் தொடர் நடக்கிறது. இதில் ஆண்கள் ஒற்றையர் பிரிவு நான்காவது சுற்றில் ஸ்பெயினின் ரபெல் நடால், ஆஸ்திரேலியாவின் நிக் கிர்கோயிஸை எதிர்கொண்டார்.

இதில் துவக்கம் முதல் நடால் ஆதிக்கம் செலுத்தினார். இதன் முதல் செட்டை நடால் 6-3 என எளிதாக வென்றார். இதற்கு இரண்டாவது செட்டை 6-3 என வென்ற நிக் கிர்கோயிஸ் பதிலடி கொடுத்தார். பின் டை பிரேக்கர் வரை சென்ற மூன்றாவது செட்டை 7-6 என நடால் தன் வசப்படுத்தினார். நான்காவது செட்டில் அசத்தலான ஆட்டத்தை வெளிப்படுத்திய நடால் 7-6 என வென்றார்.


இறுதியில், ஸ்பெயினின் ரபெல் நடால், ஆஸ்திரேலியாவின் நிக் கிர்கோயிஸை 6-3, 3-6, 7-6, 7-6 என்ற செட்களில் வெற்றி பெற்று காலிறுதிக்கு முன்னேறினார்.

வாவ்ரின்கா மிரட்டல்
இதேபோல மற்றொரு நான்காவது சுற்று போட்டியில் சுவிட்சர்லாந்தின் வாவ்ரினாகா, ரஷ்யாவின் டேனில் மெட்வேவ்டெவ்வை 6-2, 2-6, 4-6, 7-6, 6-2 என்ற செட்களில் வீழ்த்தி காலிறுதிக்கு முன்னேறினார். மற்றொரு நான்காவது சுற்று போட்டியில் ஆஸ்திரியாவின் டாம்னிக் தியம், பிரான்ஸின் காயில் மான்பில்ஸை 6-2,6-4, 6-4 என்ற செட்களில் வீழ்த்தி காலிறுதிக்கு தகுதி பெற்றார். மற்றொரு நான்காவது சுற்று போட்டியில் ஜெர்மனியின் அலெக்சாண்டர் வெர்ரவ், ரஷ்யாவின் ஆண்ட்ரே ரப்லெவை 6-4, 6-4, 6-4 என்ற செட்களில் வீழ்த்தி காலிறுதிக்கு முன்னேறினார்.


முகுருசா வெற்றி
இதேபோல பெண்கள் நான்காவது சுற்று போட்டியில் ஸ்பெயினின் முருகுசா, நெதர்லாந்தின் கிகி பெர்டென்ஸை, 6-3, 6-3 என்ற செட்களில் வீழ்த்தி காலிறுதிக்கு முன்னேறினார். மற்றொரு நான்காவது சுற்று போட்டியில் ருமேனியாவின் சிமோனா ஹலேப், பெல்ஜியமின் எலிஸ் பெர்டென்ஸை 6-4, 6-4 என்ற செட்களில் வீழ்த்தி காலிறுதிக்கு தகுதி பெற்றார். மற்றொரு நான்காவது சுற்று போட்டியில் ரஷ்யாவின் அனஸ்தாஸ்தியா, ஜெர்மனியின் ஏஞ்சலிக் கெர்பரை 6-7, 7-6, 6-2 என்ற செட்களில் வீழ்த்தி காலிறுதிக்கு முன்னேறினார்.