Japanese GP : மின்னல் வேகத்தில் மிரட்டிய போத்தாஸ்...: 6வது முறையாக கோப்பையை தக்கவைத்த மெர்சிடஸ்!

உலகின் பல்வேறு நாடுகளில் ஆண்டுதோறும் ஃபார்முலா-1 கார்பந்தயம் நடக்கிறது. இந்த ஆண்டுக்கான 70வது தொடர் 21 சுற்றுகளாக நடக்கிறது. இதன் 17வது சுற்று ஃபைனல் போட்டி ஜப்பானில் நடந்தது.

சீறிப்பாய்ந்த போத்தாஸ்.....
இதில் மெர்சிடஸ் வீரர் வால்தேரி போத்தாஸ் முதலிடம் பிடித்தார். மொத்தமாக 53 சுற்றுகள் கொண்ட இந்த போட்டியில் போத்தாஸ், பந்தய எல்லையை 1.21.46.755 நிமிடத்தில் கடந்து முதலிடம் பிடித்தார்.


வெட்டல் ஏமாற்றம்
இவரைவிட கூடுதலாக 13.343 வினாடிகள் எடுத்துக்கொண்ட பெராரி வீரர் செபாஸ்டியன் வெட்டல், இரண்டாவது இடம் பிடித்தார். மற்றொரு மெர்சிடஸ் வீரர் லீவிஸ் ஹாமில்டன் (+13.858 நிமிடங்கள்) மூன்றாவது இடம் பிடித்தார்.


6வது வெற்றி
இந்த வெற்றியின் மூலம் மெர்சிடஸ் அணி தொடர்ந்து ஆறாவது முறையாக சாம்பியன் கோப்பையை தக்கவைத்துக்கொண்டது. கடந்த 2014 முதல் 2019 வரை ஃபார்முலா-1 கார்பந்தயத்தில் மெர்சிடன்ஸ் அணி சாம்பியன் பட்டம் வென்றுள்ளது.


நம்பர்-1 ஹாமில்டன்.....
இந்த வெற்றியின் மூலம் ஹாமில்டனுக்கு 16 புள்ளிகள் கிடைத்தது. இந்த ஆண்டுக்கான தொடரில் மொத்தமாக 338 புள்ளிகள் பெற்ற லீவிஸ் ஹாமில்டன் சாம்பியன்ஷிப் வீரர்கள் பட்டியலில் ‘நம்பர்-1’ இடத்தில் நீடிக்கிறார்.