யப்பா... இவன் மனுஷனே இல்ல....: மாரத்தானில் மறக்க முடியாத மிரட்டலான வரலாறு படைச்ச அபூர்வ வீரர்...!

ஒலிம்பிக் மாரத்தான் சாம்பியன் மற்று உலக சாதனைக்கு சொந்தக்காரரான கென்ய வீரர் எலியட் கிப்கோஜ் வியானாவில் நடந்த அதிகாரப்பூர்வமற்ற மாரத்தான் ஓட்டத்தை 1 மணி 59: 40 நிமிடத்தில் கடந்து அசத்தல் சாதனை படைத்தார்.

அதிகாரம் இல்லை...
ஆனால் இதை விளையாட்டு அமைச்சகம் அதிகாரப்பூர்வமான சாதனையாக அங்கீகரிக்க முடியாது. சுற்றி 7 பேர் கொண்ட பாதுகாப்பு படையுடன் கென்ய வீரர் எலியட் கிப்கோஜ் ஒரு கிலோமீட்டர் தூரத்தை 2.50 நிமிடத்தில் கடந்தார்.

பாதி தூரம்...
தவிர, மாரத்தானின் மொத்த எல்லையில் பாதிதூரத்தை 59.35 நிமிடத்தில் கடந்தார். இது இவர் இலக்காக நிர்ணயித்த நேரத்தை விட 11 நிமிடங்கள் குறைவாகும். அதேபோல அடுத்த ஒவ்வொரு கிலோ மீட்டர் தூரத்தையும் எலியட் 2.48 முதல் 2.52 நிமிடங்களில் கடந்து மிரட்டினார்.


மகிழ்ச்சி...
கடைசி 1 கிலோ மீட்டரை நெருங்கும் போது தனது பாதுகாப்புக்காக வந்த வீரர்கள் ஓதுங்க எலியட் ரசிகர்களை நோக்கி வெற்றி மகிழ்ச்சியில் புன்னகைத்தபடியே கடந்து வந்தார். ஆனால் தடகள கூட்டமைப்பு எலியட்டின் இந்த வரலாற்று சாதனை பாதுகாப்புடன் நடத்தப்பட்டதால் இதை அங்கீகரிக்க முடியாது என அறிவித்துள்ளது.

வரவேற்பு:
தவிர, வெளிப்படையான போட்டியாகவும் இது அறிவிக்கப்படாத காரணத்தாலும் இந்த சாதனையை அங்கீகரிக்க முடியாது என்றும் சர்வதேச தடகள் கூட்டமைப்பின் தலைவர் செபாஸ்டியன் சோ தெரிவித்துள்ளார். இருந்தாலும் எலியட்டின் சாதனை முயற்சியை வரவேற்ப்பதாகவும் தெரிவித்தார்.

இரண்டு ஆண்டுக்கு முன்பு...
இந்த மாரத்தான் போட்டியை பிரிட்டனின் ரசாயன நிறுவனம் ஏற்பாடு செய்தது. இந்த மாரத்தானை 1 மணி 59 நிமிடத்தில் முடிக்க வேண்டும் என்பதை இலக்காக நிர்ணயித்திருந்தது.


கென்ய வீரர் எலியட் கிப்கோஜ் இரண்டு ஆண்டுக்கு முன்பே இதே போல 1 மணி 59 நிமிடத்தில் மாரத்தானை முடிக்கும் முயற்சியில் மான்ஷாவில் ஈடுபட்டார். ஆனால் வெறும் 26 வினாடிகளில் அப்போது இந்த சவாலில் எலியட் இந்த வரலாற்று சாதனையை தவறவிட்டார்.

ஆம்ஸ்டிராங் போல....
எலியட் கிப்கோஜ் 2 மணி நேரத்துக்கு முன்பாக ஒரு மாரத்தானை கடந்ததால், அவரை ரசிகர்கள், நிலவில் முதலில் கால் பதிக்க நீல் ஆம்ஸ்டிராங், எவரஸ்ட் சிகரத்தில் முதலில் வெற்றிகரமாக ஏறிய எட்மண்ட் ஹிலாரி ஆகியோருடன் ஒப்பிட்டு கொண்டாடி வருகின்றனர்.