மேரி கோம், சிந்து பெயர்களை பத்ம விருதுக்கு பரிந்துரை செய்த விளையாட்டு அமைச்சகம்!

மத்திய அரசு வழங்கும் பத்ம விருதுகளுக்கான பரிந்துரை பட்டியலை விளையாட்டுத்துறை அமைச்சகம் பரிந்துரை செய்துள்ளது. அதில் முதல்முறையாக பரிந்துரை செய்துள்ள அனைத்தும் பெண்களின் பெயர்களாக இடம்பெற்றுள்ளது.

மேரி கோம் பரிந்துரை...
குத்துச்சண்டை வீராங்கானை மேரி கோமின் பெயர், பத்ம விபூஷன் விருதுக்கு பரிந்துரை செய்யப்பட்டுள்ளது. இவர் கடந்த 2006ல் பத்மஸ்ரீ விருதும், 2013ல் பத்மபூஷன் விருதும் வென்றுள்ளார்.
இவ்விருதை மேரி கோம் பெற்றால், நாட்டின் 2வது உயரிய விருதை பெற்ற நான்காவது விளையாட்டு வீரர் என்ற பெருமை பெறுவார்.


இவரைத்தவிர, பேட்மிண்டன் வீராங்கனை பி.வி.சிந்துவின் பெயர் பத்ம விபூஷன் பெயர் பரிந்துரைக்கப்பட்டுள்ளது. இவர்களைத்தவிர, ஹர்மன்பிரீத் கவுர் (கிரிக்கெட்), வினேஷ் போகத்(மல்யுத்தம்), சுமா சிரூர் (துப்பாக்கி சுடுதல்), ராணி ராம்பால் (ஹாக்கி), மனிகா பத்ரா (டேபிள் டென்னிஸ்), தாஷ் மற்றும் நுங்சி மாலிக் (மலை ஏற்றம் ஆகியோரின் பெயர்கள் பத்மஸ்ரீ விருதுக்காக பரிந்துரைக்கப்பட்டுள்ளது.