F1: இத்தாலி கிராண்ட் பிரிக்ஸ் : லெக்லார்க் அசத்தல் வெற்றி...: 9 ஆண்டுக்கு பின் ஃபெராரி அணிக்கு பெருமை சேர்த்தார்!

உலகின் பல்வேறு நாடுகளில் ஆண்டுதோறும் ஃபார்முலா-1 கார்பந்தயம் நடப்பது வழக்கம். இந்த ஆண்டுக்கான 70வது தொடர் மொத்தம் 21 சுற்றுகளாக நடக்கிறது. இதன் 14வது சுற்றுக்கான ஃபைனல் போட்டி மொனாகோவில் நடந்தது.

லெக்லார்க் அபாரம்....
இதில் பெராரி அணியின் மொனாகோ வீரர் சார்லஸ் லெக்லார்க் முதலிடம் பிடித்தார். மொத்தமாக 53 சுற்றுகள் கொண்ட இந்த போட்டியில் லெக்லார்க், பந்தய எல்லையை 1.15.26.665 நிமிடத்தில் கடந்து முதலிடம் பிடித்தார்.


இவரைவிட கூடுதலாக 0.835 வினாடிகள் எடுத்துக்கொண்ட மெர்சிடஸ் அணியின் பிரிட்டன் வீரர் வால்டேரி போதாஸ் இரண்டாவது இடம் பிடித்தார். மற்றொரு மெர்சிடஸ் வீரர் லீவிஸ் ஹாமில்டன் மூன்றாவது இடம் பிடித்தார்.

நம்பர்-1 ஹாமில்டன்.....
இந்தாண்டுக்கான வீரர்கள் புள்ளிப்பட்டியலில் மெர்சிடஸ் வீரர் லீவிஸ் ஹாமில்டன் மொத்தமாக 284 புள்ளிகள் பெற்ற லீவிஸ் ‘நம்பர்-1’ இடத்தில் நீடிக்கிறார். மற்றொரு மெர்சிடஸ் வீரர் போத்தாஸ் (221 புள்ளிகள்) இரண்டாவது இடத்திலும், ரெட்புல் வீரர் மேக்ஸ் வெர்ஸ்டாபன் (185) மூன்றாவது இடத்திலும் உள்ளனர்.