யுஎஸ் ஓபன்: மீண்டும் கோட்டைவிட்ட செரினா...: சாம்பியன் பட்டம் வென்ற இளம் பியான்கா!

அமெரிக்காவின் நியூயார்க்கில் கிராண்ட்ஸ்லாம் தொடரான யுஎஸ் ஓபன் டென்னிஸ் தொடர் நடக்கிறது. இதில் பெண்கள் ஒற்றையர் பிரிவு ஃபைனலில் அமெரிக்காவின் செரினா வில்லியம்ஸ், இளம் வீராங்கனையான கனடாவின் பியான்காவை எதிர்கொண்டார்.

இதில் பியான்காவின் ஆதிக்கமே அதிகம் இருந்தது. இதில் முதல் செட்டை 6–3 என வென்ற பியான்கா, அடுத்து நடந்த இரண்டாவது செட்டையும் 7–5 என போராடி வென்றார்.

சுமார் 1 மணி, 40 நிமிடம் நடந்த இப்போட்டியி முடிவில், கனடாவின் பியான்காவிடம், அமெரிக்காவின் செரினா வில்லியம்ஸ் 6–3, 7–5 என்ற நேர் செட்களில் தோல்வியடைந்தார்.


பியான்கா ‘1’
இந்த வெற்றியின் மூலம் பியான்கா தனது முதல் கிராண்ட்ஸ்லாம் பட்டத்தை வென்றார். இதன் மூலம் கிராண்ட்ஸ்லாம் அரங்கில் பட்டம் வென்ற முதல் கனடா வீராங்கனை என்ற பெருமை பெற்றார். தனது சாதனை 24வது கிராண்ட்ஸ்லாம் பட்டத்துக்காக செரினாவின் காத்திருப்பு இன்னும் நீடிக்கிறது.