Sunil Chhetri: அடுத்தடுத்து இரட்டை அடிகொடுத்த அல்மந்தர்...: ஓமானிடம் வீழ்ந்த இந்திய அணி!

வரும் 2022ல் கால்பந்து உலக கோப்பை தொடர் கத்தாரில் நடக்கிறது. இதன் ஆசியாவின் இரண்டாவது கட்ட தகுதிச்சுற்று போட்டிகள் இன்று துவங்குகியது. இதில் மொத்தமாக 40 அணிகள் பங்கேற்கிறது.

‘டாப்-8’க்கு வாய்ப்பு....
இதில் இந்திய அணி ‘இ’ பிரிவில் வங்கதேசம், ஓமான், ஆப்கானிஸ்தான், கத்தார் அணிகளுடம் இடம் பெற்றுள்ளது. இந்த போட்டிகளின் முடிவில் முதல் 8 அணிகள் அடுத்த சுற்றுக்கு முன்னேறும்.

இந்தியா - ஓமான் மோதல்....
இன்று கவுஹாதியில் நடந்த முதல் போட்டியில் இந்திய அணி, ஓமான் அணியை சந்திக்கிறது. இதில் துவக்கம் முதல் இந்திய அணி வீரர்கள் ஆதிக்கம் செலுத்தினர். போட்டியின் 24வது நிமிடத்தில் இந்தியாவின் சுனில் சேத்ரி முதல் கோல் அடித்தார்.


தடுமாறிய ஓமான்
இதற்கு பதிலடி கொடுக்க முயன்ற ஓமான் அணி வீரர்களின் முயற்சி அனைத்தும் தோல்வியில் முடிந்தது. இதையடுத்து இந்திய அணி முதல் பாதியில் 1-0 என முன்னிலை பெற்றது. தொடர்ந்து பரபரப்பாக துவங்கிய இரண்டாவது பாதியிலும் இந்திய அணி வீரர்களின் ஆதிக்கமே அதிகம் இருந்தது .

தடுத்த குர்கீரத்...
தொடர்ந்து போட்டியின் 54வது நிமிடத்தில் கிடைத்த வாய்ப்பை ஓமான் வீரர் மாக்பாலி கோலாக மாற்ற முயன்றார் ஆனால் அதை கோல்கீப்பர் குர்கீரத் அருமையாக தடுத்தார்.


தொடர்ந்து 82வது நிமிடத்தில் கிடைத்த வாய்ப்பை ஓமான் வீரர் ரபியா அலாவி அல் மந்தார் கோலாக மாற்ற, போட்டியை ஓமான் அணி சமன் செய்தது. பின் கடைசி நிமிடத்தில் ரபியா அலாவி அல் மந்தார் மீண்டும் ஒரு கோல் அடித்தார். முடிவில், ஓமான் அணி 2-1 என்ற கோல்கணக்கில் இந்திய அணியை வீழ்த்தியது.