2020 ஒலிம்பிக் போட்டிகள் நடத்துவதற்காக ஜப்பான் அரசு மிக தீவிரமாக தயாராகி வருகின்றது. இதற்கான போட்டி நடைப்பெறும் மைதானங்கள், அறிவிப்பு பலகைகள், தகவல் தருவதற்காக ரோபோக்கள் உள்ளிட்டவற்றை ஜப்பானுக்கே உரிய தொழில் நுட்பத்தை பயன்படுத்தி தயார்படுத்தி வருகின்றது.
பழைய பதக்கங்கள்:
ஜப்பான் நாட்டினர் எந்த ஒரு பொருளையும் வீணாக்க மாட்டார்கள். தான் இருக்கும் இடத்தை சுத்தமாக வைப்பதோடு, வேறெங்கேனும் சென்றாலும் அவர்கள் தங்கி இருந்த இடத்தை அவர்களே சுத்தம் செய்து நன்றின்னு எழுதி வைத்து விட்டுவரும் வழக்கம் கொண்டவர்கள்.
அப்படிப்பட்ட ஜப்பானியர்கள் நடத்தும் ஒலிம்பிக் போட்டியிலும் புதுமையை கொண்டுவருவதோடு, பழைய பதக்கங்கள் உருக்கி, அதை தற்போதைக்கு ஏற்றார் போல புதிய பதக்கங்களை தயாரித்துள்ளனர்.
நேற்று ஒலிம்பிக் பதக்கங்களை அறிமுகம் செய்த ஜப்பான், 85 மில்லி மீட்டர் விட்டத்தில் கிரீக் கடவுளுடன் ஒலிம்பிக் குறியீடு கொண்டதாக தயாரித்துள்ளது. ஒவ்வொரு பதக்கமும் மறு சுழற்சி செய்யப்பட்ட உலோகங்களால் செய்யப்பட்டுள்ளன.
ஒலிம்பிக் போட்டிகளுக்காக நாடு முழுவதும் 6.21 மில்லியன் மின்னணு சாதனங்கள் ஜப்பான் முழுவதும் நன்கொடையாக வழங்கப்பட்டுள்ளன.
Mobile AppDownload Get Updated News