கிங்ஸ் கோப்பை: தாய்லாந்தை வீழ்த்திய இந்திய அணி மூன்றாவது இடம்!

பாங்காக்: தாய்லாந்துக்கு எதிரான கிங்ஸ் கோப்பை தொடரின் மூன்றாவது இடத்துக்கு எதிரான போட்டியில் இந்திய அணி வெற்றி பெற்றது.

தாய்லாந்தில் ஆண்டுதோறும் கிங்ஸ் கோப்பை கால்பந்து தொடர் நடக்கிறது. இந்த ஆண்டுக்கான 47வது தொடர் தற்போது நடக்கிறது. இதில் இரண்டு கால்பந்து கூட்டமைப்பை சேர்ந்த அணிகள் பங்கேற்கும்.

இந்தியா பங்கேற்பு:
இந்த ஆண்டுக்கான தொடரில் நடப்பு சாம்பியனான சுலோவாகியா பங்கேற்கவில்லை. அதற்கு பதிலாக வடக்கு, மத்திய மற்றும் கரீபிய கால்பந்து கூட்டமைப்பு சார்பில் குராகாவு அணி பங்கேற்றது. ஆசிய கால்பந்து கூட்டமைப்பு சார்பாக வியட்நாம், இந்தியா அணிகள் பங்கேற்றது.
மூன்றாவது இடம்:
இதன் அரையிறுதியில் குராகாவு அணிக்கு எதிரான போட்டியில் தோல்வியடைந்த இந்திய அணி, மூன்றாவது இடத்துக்கான போட்டியில், தாய்லாந்து அணியை எதிர்கொண்டது. இதில் துவக்கம் முதல் இந்திய அணி வீரர்கள் ஆதிக்கம் செலுத்தினர்.
இதன் முதல் பாதியில் இந்திய அணிக்கு அனிருத் தாபா (17வதி நிமிடம்) முதல் கோல் அடித்தார். இதற்கு முதல் பாதியில் தாய்லாந்து அணி வீரர்களால் பதிலடி கொடுக்க முடியவில்லை. இரண்டாவது பாதியில் இரு அணி வீரர்களின் கோல் முயற்சியும் தோல்வியில் முடிய, முடிவில் இந்திய அணி 1-0 என்ற கோல் கணக்கில் தாய்லாந்து அணியை வீழ்த்தியது.
இந்த வெற்றியின் மூலம் இந்திய அணி கிங்ஸ் கோப்பை தொடரில் மூன்றாவது இடம் பிடித்தது. இதன் ஃபைனலில் குராகாவு, வியட்நாம் அணிகள் மோதுகின்றன.