ஐரோப்பாவின் கால்பந்து கிளப் அணிகள் மோதும் ஐரோப்பா லீக் கால்பந்து தொடர் நந்தது. அஜர்பெய்ஜான் தலைநகர் பாகுவில் இந்தாண்டுக்கான பைனல் நடந்தது. இதில் இங்கிலாந்தின் செல்சி, ஆர்சனல் அணிகள் மோதின.
குறையாத பரபரப்பு:
பரபரப்பாக நடந்த இந்த ஃபைனலின் முதல் பாதியில் எவ்வளவு முயற்சி செய்தும் இரு அணி வீரர்களால் கோல் எதுவும் அடிக்க முடியவில்லை. தொடர்ந்து நடந்த இரண்டாவது பாதியில் செல்சி வீரர் ஆலிவர் (49வது நிமிடம்) முதல் கோல் அடித்தார்.
தொடர்ந்து பெட்ரோ (60) செல்சி அணிக்கு மற்றொரு கோல் அடித்தார். பின் 65வது நிமிடத்தில் செல்சி அணிக்கு கிடைத்த பெனால்டி வாய்ப்பை ஹசார்டு கோலாக மாற்றினார். இதற்கு, ஆர்சனல் சார்பில் அலெக்ஸ் (69) பதிலடி கொடுத்தார்.
மீண்டும் அசத்திய செல்சி வீரர் ஹசார்டு (72), பதிலடி கொடுக்க செல்சி அணியின் வெற்றி உறுதியானது. முடிவில், செல்சி அணி 4–1 என்ற கோல் கணக்கில் வெற்றி பெற்றது. இதன் மூலம், செல்சி அணி இரண்டாவது முறையாக (2013,19) கோப்பை வென்றது.
Mobile AppDownload Get Updated News
.jpeg)
