சுதிர்மன் கோப்பை: மலேசியாவிடம் வீழ்ந்த இந்திய அணி!

நானிங்: சுதிர்மன் கோப்பை பேட்மிண்டன் தொடரில் இந்திய அணி, மலேசியாவிடம் தோல்வியை சந்தித்தது.

சீனாவின் நானிங்கில் 16வது சுதிர்மன் பேட்மிண்டன் கோப்பை தொடரில் இந்திய அணி வீரர்கள் மலேசிய அணியை எதிர்கொண்டனர். இதில் முதலில் நடந்த கலப்பு இரட்டையர் பிரிவில் இந்தியாவின் ராங்கி ரெட்டி, அஷ்வினி பொண்ணப்பா ஜோடி, மலேசியாஇன் கோ சூன், லாய் செவான் ஜோடியை 16-21, 21-17, 24-22 என்ற செட்களில் வீழ்த்தி, 1-0 என முன்னிலை பெற்றது.

தொடர்ந்து நடந்த ஆண்கள் ஒற்றையர் பிரிவில், இந்தியாவின் கிடாம்பி ஸ்ரீகாந்த், மலேசியாவின் லீ ஜியாவிடம் 13-21, 15-21 என்ற செட்களில் தோல்வியடைந்தார். பின் நடந்த பெண்கள் ஒற்றையர் பிரிவில் பிவி சிந்து, மலேசியாவின் ஜோ ஜின் வீயை 21-12, 21-8 என்ற செட்களில் வீழ்த்தினார்.

தொடர்ந்து நடந்த இரட்டையர் பிரிவில் இந்தியாவின் மானு, சுமீத் ரெட்டி ஜோடி, மலேசியாவின் ஆரோன் சியா தோ யீ, ஜோடியிடம் 20-22, 19-21 என்ற செட்களில் போராடி தோல்வியை சந்தித்தது.
இதையடுத்து போட்டி 2-2 என சமநிலை வகித்தது. கடைசியாக நடந்த ஆண்கள் ஒற்றையர் பிரிவில் இந்தியாவின் சமீர் வர்மா, மலேசியாவின் லீ ஜியாவிடம் 13-21, 15-21 என்ற செட்களில் தோல்வியடைந்தார். இதன் மூலம் இந்திய அணி , மலேசியாவிடம் 2-3 என தோல்வியை சந்தித்தது. இந்திய அணி வீரர்கள் அடுத்ததாக சீனாவை எதிர்கொள்கின்றனர்.