இந்தியாவில் முதன்முறையாக தன்பாலின துணைய தேர்வு செய்துள்ள முதல் விளையாட்டுத் துறை பிரபலம் துத்தி சந்த் ஆவார். கடந்த 2014ம் ஆண்டு நடந்த பாலின பரிசோதனையில் துத்தி சந்துக்கு ஆண்மைத்தன்மை அதிகம் இருப்பதாக முடிவுகள் வெளிவந்தன.
அதனால், ஓட்டப்பந்தயத்தில் இனி அவர் பங்கேற்கக்கூடாது என தடை விதிக்கப்பட்டது. இந்த உத்தரவை எதிர்த்து ஸ்விட்சர்லாந்தில் உள்ள சர்வதேச விளையாட்டு மன்றத்தில் நியாயம் கோரினார்.
இதன் மீதான விசாரணை நடைபெற்றது. இருதரப்பு விவாதங்களையும் ஏற்றுக்கொண்ட விளையாட்டு மன்றம் கடந்த 2015ம் ஆண்டு துத்து சந்த் மீதான தடையை நீக்கியது. இதனால் இந்தியளவில் பிரபலமானார் துத்தி சந்த்.
தன்னுடைய பாலின குற்றச்சாட்டு குறித்து பேசிய அவர், சில வருடங்களுக்கு முன்பு தனது ஊரில் அறிமுகமான பெண் ஒருவரை காதலித்து வருவதாகவும், அவருடன் சேர்ந்து வாழவும் விருப்பம் தெரிவித்தார்.
இதன்மூலம் தன்பாலின விருப்பத்தை வெளிப்படையாக கூறிய நாட்டின் முதல் விளையாட்டுத்துறை பிரபலம் என்ற பெயரை பெற்றார் துத்தி சந்த். இவருக்கு இந்தியாவில் செயல்பட்டு வரும் LGBTQI+ அமைப்பு ஆதரவு கரம் நீட்டியது.
பாலியல் ஆர்வத்தை வெளியிட்ட துத்தி சந்துக்கு தற்போது குடும்பத்தினரிடையே எதிர்ப்பு எழுந்துள்ளது. இதுதொடர்பாக பேசும் போது, பெற்றோர்கள் ஏற்றுக்கொண்ட பிறகு, தன்னுடைய சகோதிரி எதிர்ப்பு தெரிவித்து வருகிறார் என துத்தி சந்த் கவலை தெரிவித்துள்ளார்.
அவருடைய வீட்டிலேயே மிகவும் வலிமை மிக்க பெண்ணாக துத்தி சந்த் உள்ளார். துத்தி சந்தின் சகோதரனின் மனைவியை பிடிக்கவில்லை என்ற காரணத்தினால் அவரை வீட்டை விட்டே அப்பெண் துரத்தி விட்டாராம். அதனால் தனக்கு இந்த நிலை ஏற்பட வாய்ப்பிருப்பதாக துத்தி சந்த் கூறுகிறார்.
அனைவருக்கும் அவர்களுடைய துணை தேர்வு செய்ய உரிமை இருக்கிறது. தற்போது வேர்ல்ட் சாம்பியன்ஸ் மற்றும் ஒலிம்பிக் போட்டிகளில் கவனம் செலுத்தி வருவதால், தீவிர பயிற்சி செய்து வருகிறேன். போட்டிகளில் வெற்றி அடைந்த பிறகு எனது உரிமைக்கான போராடுவேன் என துத்தி சந்தி நம்பிக்கை தெரிவித்துள்ளார்.
Mobile AppDownload Get Updated News