ஸ்குவாஷ்: காலிறுதியில் போராடி வீழ்ந்த ஜோஸ்னா சின்னப்பா!

கைரோ: பெண்கள் பிளாக் பால் ஸ்குவாஷ் ஓபன் தொடரின் காலிறுதியில் இந்திய வீராங்கனை ஜோஸ்னா சின்னப்பா போராடி தோல்வியை சந்தித்தார்.

எகிப்த் தலைநகர் கைரோவில் பெண்கள் பிளாக் பால் ஸ்குவாஷ் ஓபன் தொடர் நடக்கிறது. இதில் இந்தியாவின் முன்னணி ஸ்குவாஷ் வீராங்கனை ஜோஸ்னா சின்னப்பா பங்கேற்கிறார். இதன் முதல் போட்டியில் ஜோஸ்னா, மலேசியாவின் நிகோல் டேவிட்டை வீழ்த்தினார்.

தொடர்ந்து இரண்டாவது போட்டியில் இங்கிலாந்தின் சாரா ஜேன் பெர்ரியை வீழ்த்திய ஜோஸ்னா காலிறுதிக்கு தகுதி பெற்றார். காலிறுதியில் உலகின் 5ம் நிலை வீராங்கனையான நியூசிலாந்தின் ஜோலி கிங்கை எதிர்கொண்டார்.
இதில் துவக்கம் முதல் அசத்திய ஜோலி கிங், முதல் சுற்றில் 7-11 என இழந்தார். தொடர்ந்து நடந்த இரண்டாவது சுற்றில் சுதாரித்த ஜோலி 12-10 என வென்று பதிலடி கொடுத்தார். அடுத்த செட்டில் சுதாரித்த ஜோஸ்னா 11-2 என மிகச்சுலபமாக வென்றார். பின் அபாரமான ஆட்டத்தை வெளிப்படுத்திய ஜோலி, அடுத்த இரண்டு செட்களையும் 11-5, 11-8 என தன்வசப்படுத்தினார்.

இறுதியில் 7-11, 12-10, 2-11, 11-5, 11-8 என்ற புள்ளி கணக்கில் ஜோஸ்னா சின்னப்பாவை வீழ்த்திய ஜோலி கிங் அரையிறுக்குள் நுழைந்தார்.