Hockey World Cup: யாரு சாம்பியன்? பரபரப்பான ஹாக்கி உலகக்கோப்பை துவங்கியது!

புவனேஷ்வரில், ஆண்களுக்கான உலகக்கோப்பை ஹாக்கி தொடர் வரும் இன்று துவங்கி வரும் டிசம்பர் 16 வரை நடக்கவுள்ளது. இதில் 16 அணிகள் பங்கேற்கவுள்ளன. 19 நாட்கள் நடக்கும் உலகக்கோப்பையில், பங்கேற்கும் அனிகள் 4 பிரிவுகளாக பிரிக்கப்பட்டு, ஒவ்வொரு பிரிவிலும் 4 அணிகள் இடம் பெற்றுள்ளன.

ஹாக்கி தரவரிசையில் 5வது இடத்தில் உள்ள இந்திய அணி, ‘சி’ பிரிவில் ரியோ ஒலிம்பிக்கில் இரண்டாவது இடம் பிடித்த பெல்ஜியம், கனடா, தென் ஆப்ரிக்கா அணிகளுடன் இடம் பெற்றுள்ளது. இதில் ஒவ்வொரு பிரிவிலும் முதல் இடம் பிடிக்கும் அணிகள் நேரடியாக காலிறுதிக்கு தகுதி பெறும், இரண்டாவது, மூன்றாவது இடம் பிரிக்கும் அணிகள் குறுக்கு போட்டிகளில் பங்கேற்று கடைசி எட்டு அணிகளில் இடம் பிடிக்கும். கடைசி இடம் பிடிக்கும் அணிகள் தொடரில் இருந்து வெளியேறும்.

இந்நிலையில் இன்றைய பிரிவு - சி போட்டிகளில் பெல்ஜியம் - கனடா , இந்தியா - தென் ஆப்ரிக்கா அணிகள் மோதுகின்றன. இந்நிலையில் இதுவரை நடந்துள்ள 13 உலகக்கோப்பை தொடர்களில் வெறும் 5 அணிகள் மட்டுமே மாறி மாறி உலக்கோப்பையை வென்றுள்ளது.
இதில், பாகிஸ்தான் அணி 4 முறையும், ஆஸ்திரேலியா, நெதர்லாந்து அணிகள் தலா 3 முறையும் வென்றுள்ளன. இம்முறையும் ஆஸ்திரேலியா, நெதர்லாந்து அணிகள் கோப்பை வெல்லும் வாய்ப்பு உள்ளதாக கூறப்படுகிறது. தவிர, இந்திய அணி சொந்த மண்ணில் கோப்பை வெல்லும் வாய்ப்பு அதிகளவில் உள்ளதாக கூறப்படுகிறது.