அடுத்த மாதம் 7-ஆம் தேதி தொடங்கும் உலகக் கோப்பை கபடி போட்டியில் ஈரான், தென் கொரியா, வங்கதேசம், அமெரிக்கா, இங்கிலாந்து, ஆஸ்திரேலியா, போலந்து, தாய்லாந்து, ஜப்பான், ஆர்ஜென்டீனா, கென்யா, போட்டியை நடத்தும் இந்தியா என மொத்தம் 12 நாடுகள் பங்கேற்கின்றன.
மொத்தம் 14 வீரர்களைக் கொண்ட இந்திய அணிக்கு ஹரியாணாவைச் சேர்ந்த நட்சத்திர ஆட்டக்காரரான அனுப் குமார் கேப்டனாக நியமிக்கப்பட்டுள்ளார். ஆல்ரவுண்டர் மன்ஜீத் சில்லார் துணை கேப்டனாக அறிவிக்கப்பட்டுள்ளார். இந்திய கபடி அணிக்கான பயிற்சியாளராக பல்வான் சிங்கும், துணை பயிற்சியாளராக பாஸ்கரனும் நியமிக்கப்பட்டுள்ளனர்.
அணி விவரம்: அனுப் குமார் (ஹரியாணா), அஜய் தாகுர் (ஹிமாசலபிரதேசம்), தீபக் ஹூடா (ஹரியாணா), தர்மராஜ் சேரலாதன் (தமிழ்நாடு), ஜஸ்வீர் சிங் (ஹரியாணா), கிரண் பர்மர் (குஜராத்), மன்ஜீத் சில்லார் (பஞ்சாப்), மோஹித் சில்லார் (பஞ்சாப்), நிதின் தோமர் (உத்தரப் பிரேதசம்), பிரதீப் நர்வால் (ஹரியாணா), ராகுல் செளதரி (உத்தரப் பிரதேசம்), சந்தீப் நர்வால் (ஹரியாணா), சுரேந்தர் நடா சுர்ஜீத் (ஹரியாணா).
Mobile AppDownload Get Updated News