சீன ஓபன் பேட்மிண்டன்: பி.வி. சிந்துவுக்கு எளிய வெற்றி

சீன ஓபன் பேட்மிண்டன் தொடரில் முதல் போட்டியில் இந்திய வீராங்கனை பி.வி. சிந்து 30 நிமிடங்களிலேயே எளிதாக வெற்றி பெற்றார்.

சீன ஓபன் பேட்மிண்டன் தொடரில் இந்தியாவின் நட்சத்திர வீராங்கனை பி.வி.சிந்து இன்று முதல் சுற்றுப் போட்டியில் களமிறங்கினார். ரஷ்யாவின் இவான்ஜனியா அவரை எதிர்த்து விளையாடினார்.

இப்போட்டியில் ஆரம்பம் முதலே அதிரடியாக விளையாடி புள்ளிகளை வசப்படுத்திய சிந்து முதல் செட்டை 21-13 என தன்வசப்படுத்தினார். அடுத்த செட்டையும் 21-19 எனக் கைப்பற்றினார்.

வெறும் 30 நிமிடங்களிலேயே முடிந்த இப்போட்டியில் 21-13, 21-19 என்ற நேர் செட்களில் வெற்றி பெற்ற அவர் அடுத்த சுற்றுக்கு முன்னேறியுள்ளார். அடுத்த போட்டியில் தாய்லாந்தின் புசானனை எதிர்கொள்ள இருக்கிறார்.

பெண்கள் இரட்டையர் பிரிவில் இந்தியாவின் அஸ்வினி பொன்னப்பா – சிக்கி ரெட்டி இணை முதல் சுற்றிலேயே ஜப்பானிய இணையிடம் தோற்று வெளியேறியுள்ளது.