அர்ஜெண்டினாவின் பியோனஸ் ஏர்ஸில் 3வது யூத் ஒலிம்பிக்ஸ் தொடர் கடந்த 6ஆம் தொடங்கி நடைபெற்று வருகிறது. இதில், இந்தியாவை சேர்ந்த இளம் வீரர்கள் மற்றும் வீராங்கனைகள் பங்கேற்று விளையாடி வருகின்றனர். இந்த நிலையில், இன்று நடந்த ஆண்களுக்கான 10 மீட்டர் ஏர் பிஸ்டல் துப்பாக்கிச் சுடுதல் போட்டியில் இந்தியாவின் சவுரப் சௌதரி பங்கேற்று தங்கப்பதக்கம் வென்றுள்ளார்.
244.2 புள்ளிகளில் இலக்கை எட்டிய சவுரப் சௌதரி தங்கப் பதக்கமும், தென் கொரியாவின் சங் யுங்கோ 236.7 புள்ளிகளில் இலக்கை எட்டி வெள்ளிப் பதக்கமும், சுவிட்சர்லாந்தின் சொலாரி ஜேசன் 215.6 புள்ளிகளில் வெண்கலப் பதக்கம் வென்றுள்ளார் என்பது குறிப்பிடத்தக்கது.
இளையோர் ஒலிம்பிக்: முதல் பதக்கம் வென்றார் துஷர் மானே
உத்தரப்பிரதேச மாநிலம் மீரட் பகுதியிலுள்ள கலியான கிராமத்தைச் சேர்ந்த சவுரப் ஐஎஸ்.எஸ்.எஃப் உலக சாம்பியன்ஷிப் போட்டியிலும், ஆசிய விளையாட்டுப் போட்டியிலும் தங்கம் வென்றுள்ளார்.
யூத் ஒலிம்பிக்ஸ்: துப்பாக்கிச் சுடுதலில் இந்தியாவிற்கு முதல் தங்கப் பதக்கம் பெற்றுத் தந்த மனு பாகர்!
இதற்கு முன்னதாக இந்தியாவின் சார்பில் பங்கேற்ற 16 வயதான மனு பாகர், 10 மீ ஏர் பிஸ்டல் துப்பாக்கிச் சுடுதல் போட்டியில் 236.5 புள்ளிகள் பெற்று தங்கப் பதக்கம் வென்றார். இதுவே இப்பிரிவில் இந்தியாவிற்கு கிடைக்கும் முதல் தங்கம் என்பது குறிப்பிடத்தக்கது. இந்த யூத் ஒலிம்பிக் போட்டியில் இந்தியா 3 தங்கம் மற்றும் 3 வெள்ளிப்பதக்கம் என்று 3 பதக்கங்களைப் பெற்றுள்ளது.
Mobile AppDownload Get Updated News