பாரா ஆசிய விளையாட்டு: 5 பதக்கங்களை அள்ளியது இந்தியா

ஜகார்த்தா: பாரா ஆசிய விளையாட்டுப் போட்டிகளின் முதல் நாளில் இந்தியா 5 பதக்கங்களை வென்று அசத்தியுள்ளது.

பாரா ஆசிய விளையாட்டுப் போட்டிகள் ஞாயிற்றுக்கிழமை இந்தோனேஷியாவில் தொடங்கியது. அக்டோபர் 16ஆம் தேதி வரை நடைபெறும் இப்போட்டியில் முதல் நாளில் இந்தியா 5 பதக்கங்கள் வென்றுள்ளது.

முதலில் ஆண்கள் அணிக்கான பேட்மிண்டன் போட்டியில் அரையிறுதியில் மலேசிய அணியிடம் 1-2 என நூலிழையில் தோல்வி அடைந்ததால் வெண்கலப் பதக்கத்தைப் பெற்றது.

பளு தூக்குதல் 49 கிலோ எடைப்பிரிவில் இந்தியாவின் பர்மான் பாஷா வெள்ளிப்பதக்கம் வென்றார். பரம்ஜீத் குமார் வெண்கலத்தைத் தட்டிச்சென்றார். பர்மான் 128 கிலோ எடையும் பரம்ஜீத் 127 கிலோ எடையையும் தூக்கினர்.
100 மீட்டர் பட்டர்ஃப்ளை நீச்சலில் S-10 பிரிவில் தேவான்ஷி சத்திஜவான் வெள்ளி வென்றார். சுயாஷ் ஜாதவ் 200 மீட்டர் தனிநபர் மெட்லே நீச்சல் SM-7 பிரிவில் வெண்கலம் வென்றார்.

முதல் நாள் முடிவில் இரண்டு வெள்ளி, மூன்று வெண்கலம் உட்பட 5 பதக்கங்களை இந்தியா வசப்படுத்தியுள்ளது.