உலக சாம்பியன் மற்றும் ஒலிம்பிக் வெள்ளிப்பதக்கம் வென்ற பிரான்ஸ் வீரர் கெவின் மேயர் டெக்கத்லானில் புது உலக சாதனை படைத்துள்ளார். இவர் கடந்த 2015ல் பீஜிங்கில் நடந்த உலக சாம்பியன்ஷிப்பில் அமெரிக்க வீரர் ஆஸ்டன் ஈயாடன் (9045 புள்ளிகள்) படைத்த உலக சாதனையை தகர்த்தார்.
கடந்த மாதம் பெர்ல்னில் நடந்த ஐரோப்பிய பட்டத்துக்கான போட்டியில் தவறவிட்ட சாதனையை தற்போது மேயர் படைத்து அசத்தியுள்ளார்.
இரண்டு நாட்கள் நடந்த டெக்கத்லான் போட்டியில் முதல் நாளில் 4563 புள்ளிகளும், இரண்டாவது நாளில் 4563 புள்ளிகளும் என மொத்தமாக 9126 புள்ளிகள் பெற்ற மேயர் டெக்கத்லானில் புது உலக சாதனை படைத்தார்.
இவர் 100 மீ ., ஓட்டம் (10.55), நீளம் தாண்டுதல் (7.80 மீ.,) குண்டு எறிதல் (16.00 மீ.,), உயரம் தாண்டுதல் (2.05 மீ.,) 400 மீ., ஓட்டம் (48.42), 110 மீ., தடை தாண்டுதல் (13.75), வட்டு எறிதல் (50.54), போல் வால்ட் (5.45 மீ.,), ஈட்டி எறிதல் (71.90 மீ.,), 1500 மீ., ஓட்டம் (4.36.11) என மொத்தமாக 9126 புள்ளிகள் எடுத்து உலக சாதனை படைத்தார்.
Mobile AppDownload Get Updated News