இப்பவும் அவர் நம்ம சாம்பியன் தான்....: அதிர்ஷ்டமில்லாத லட்சுமணனை கவுரவித்த ரத்தோர்!

புதுடெல்லி: ஆசிய விளையாட்டில் சிறு தவறு காரணமாக தகுதி நீக்கம் செய்யப்பட்ட லட்சுமணனை விளையாட்டு துறை அமைச்சர் ராஜ்யவர்தன் சிங் ரத்தோர் கவுரவித்தார்.

ஆசிய விளையாட்டு போட்டிகள் இந்தோனேசியா தலைநகர் ஜகார்த்தாவில் நடந்தது. இதன் ஆண்களுக்கான 10,000 மீ., ஓட்டப்பந்தயத்தில் புதுக்கோட்டையை சேர்ந்த கோவிந்தன் லட்சுமணன் மூன்றாவது இடம் பிடித்தார்.

ஆனால் அவர் தடம் மாறி ஓடியதாக தகுதி நீக்கம் செய்யப்படுவதாக அறிவிக்கப்பட்டது. இதனால் 4வது இடம் பிடித்த சீனாவின் ஜோ சாங்க்ஹாங் வெண்கலம் வென்றதாக அறிவிக்கப்பட்டது.

ரத்தோர் கவுரவம்.....
இந்நிலையில் இந்தியாவுக்காக பதக்கம் வென்றவர்களை பாராட்டி, பரிசு வழங்கப்பட்டது. அதில் வெண்கலப்பதக்கம் வென்ற வீரர்களுக்கு வழங்கப்படும் ரூ. 10 லட்சம் பரிசை நூழிலையில் பதக்கத்தை இழந்த லக்‌ஷ்மணனுக்கும் வழங்கி விளையாட்டு துறை அமைச்சர் ராஜ்யவர்தன் சிங் ரத்தோர் கவுரவித்தார்.

இது தொடர்பாக ரத்தோர் வெளியிட்டுள்ள டுவிட்டர் பதிவில், ‘ கோவிந்தன் லட்சுமணன் பதக்கம் வெல்லும் திறமையை வெளிப்படுத்தியுள்ளார். ஆனால் சிறு தவறு அவரை தகுதி நீக்கம் செய்துவிட்டது. இருந்தாலும் இப்பவும் அவர் நம்ம சாம்பியன் தான்,. நாங்கள் எங்கள் சாம்பியனுடன் எப்போதும் துணை நிற்போம்.’ என குறிப்பிட்டுள்ளார்.