Wimbledon 2018: 4வது முறையாக விம்பிள்டன் பட்டத்தை வென்றார் ஜொகோவிக்

லண்டன் : செர்பியாவை சேர்ந்த நோவக் ஜொகோவிக் 4வது முறையாக விம்பிள்டன் கிராண்ட்சிலாம் பட்டத்தை வென்று அசத்தியுள்ளார்.

இங்கிலாந்தில் விம்பிள்டன் டென்னிஸ் தொடர் 1887ம் வருடத்திலிருந்து நடந்து வருகின்றது. இந்தாண்டுக்கான விம்பிள்டன் கிராண்ட்சிலாம் டென்னிஸ் தொடரில் ஆண்களுக்கான இறுதிப் போட்டியில் செர்பியாவின் நோவக் ஜொகோவிக் - தென் ஆப்ரிக்காவின் கெவின் ஆண்டர்சன் விளையாடினர்.

4வது முறை சாம்பியன் :
ராயல் டென்னிஸ் என அழைக்கப்படும் விம்பிள்டன் டென்னிஸ் தொடர் புல் தரை மைதானத்தில் நடைப்பெறுவதாகும்.

இன்று நடைப்பெற்ற விம்பிள் டன் ஆண்களுக்கான இறுதிப் போட்டியில் டென்னிஸ் தரவரிசையில் 12வது இடத்தில் உள்ள ஜொகோவிக், 8வது இடத்தில் உள்ள ஆண்டர்சன் மோதினர்.



இதில் ஜொகோவிக் 6-2, 6-2, 7-6 என்ற நேர்செட் கணக்கில் எளிதாக வென்று சாம்பியன் பட்டத்தை வென்றார்.