துனிஷியாவை துவைத்தெடுத்த பெல்ஜியம்: 5-2 என அசத்தல் வெற்றி

உலகக் கோப்பை கால்பந்துத் தொடரின் பெல்ஜியம் அணி துனிஷியா அணியை 5-2 என்ற கோல் கணக்கில் வீழ்த்தியது.

உலகக் கோப்பை கால்பந்துப் போட்டிகள் ஜூன் 14ஆம் தேதி தொடங்கின. 32 நாடுகளைச் சேர்ந்த அணிகள் பங்கேற்கும் இத்தொடர் ஜூலை 15ஆம் தேதி வரை நடக்கிறது.

இதில் இன்று நடைபெற்ற முதல் போட்டியில் பெல்ஜியம் – துனிஷியா அணிகள் மோதின. இதில், பெல்ஜியம் அணி 5-2 என்ற கோல் கணக்கில் அபார வெற்றி பெற்றது. இதன் மூலம் நாக்-அவுட் சுற்றுக்கும் முன்னேறியுள்ளது.

இந்த வெற்றியின் மூலம் 21 போட்டிகளில் தோல்வியே சந்திக்காமல் வெற்றி நடைபோடுகிறது. மேலும் உலகக் கோப்பை தொடரில் 6 லீக் சுற்றுப் போட்டிகளில் தொடர்ந்து வெற்றி பெற்று அசத்தியுள்ளது. குறிப்பாக, நடப்பு தொடரில் முதல் இரண்டு போட்டிகளில் 8 கோல்கள் அடித்த ரஷ்யா அணியுடன் அதிக கோல்கள் பட்டியலில் இணைந்துள்ளது.
அந்த அணியின் லுகாகூ, ஹசார்ட் ஆகியோர் இரண்டு கோல்களும் மிச்சி ஒரு கோலும் போட்டு அசத்தினர். முதல் போட்டியிலும் இரண்டு போட்டிகள் அடித்திருந்த லுகாகூ கோல்டன் பூட் போட்டியில் கிறிஸ்டியானோ ரொனால்டோவுடன் இணைந்துள்ளார்.