ஒரே நாளில் வரிசையாக பல விளையாட்டுகளில் அடிவாங்கிய ஆஸ்திரேலியா

ஆஸ்திரேலியாவுக்கு நேற்று ஒரே நாளில் பல வகையான விளையாட்டு போட்டிகளில் மரண அடி வாங்கி அனைத்திலும் தோல்வியை கண்டுள்ளது.

நேற்று ஜூன் 16ம் தேதி அன்று நடந்த உலகக் கோப்பை கால்பந்து போட்டி, கிரிக்கெட், ரக்பி, டென்னிஸ் என ஆஸ்திரேலியா கலந்து கொண்ட போட்டிகளில் அடுத்தடுத்து தோல்வியை கண்டுள்ளது.

கால்பந்து :
உலகக் கோப்பை கால்பந்து தொடரில், ‘சி’ பிரிவில் இடம்பெற்றிருந்த ஆஸ்திரேலியா அணி, பிரான்ஸ் அணியை எதிர்கொண்டு விளையாடியது. இதில் ஆஸ்திரேலியா 2 - 1 என்ற கோல் கணக்கில் தோல்வியை தழுவியது.


கிரிக்கெட் :
இங்கிலாந்துக்கு எதிரான 2வது ஒருநாள் போட்டியில் இங்கிலாந்து 342 ரன்கள் குவித்தது. தொடர்ந்து ஆடிய ஆஸ்திரேலியா 304 ரன்கள் எடுத்து 38 ரன்கள் வித்தியாசத்தில் தோல்வியடைந்தது.


டென்னிஸ் :
அதே போல் ஜெர்மனியில் நடைப்பெற்று வரும் ஸ்டூட்கார்ட் ஓபன் டென்னிஸ் தொடரில் ஆஸ்திரேலியாவின் நிக் கிர்ஜியஸ் 7-6,2-6,6-7 என்ற செட் கணக்கில் ரோஜர் பெடரரிடம் தோல்வியடைந்தார்.

ரக்பி :
அதே போல் ஆஸ்திரேலியாவில் நடக்கும் ரக்பி தொடரில் அயர்லாந்து அணியிடம் சொந்த மண்ணில் தோல்வியடைந்துள்ளது.