ஃபார்முலா-1 கார் பந்தயம்: ‘நம்பர்-1’ இடத்துக்கு முன்னேறிய செபாஸ்டியன் வெட்டல்!

மாண்ட்ரியல்: மாண்ட்ரியலில் நடந்த நடப்பு ஆண்டுக்கான ஃபார்முலா-1 கார்பந்தயத்தின் கனடா சுற்றில் பெராரி அணியின் ஜெர்மனி வீரர் செபாஸ்டியன் வெட்டல் வெற்றி பெற்றார். இதன் மூலம் சாம்பியன்ஷிப் வீரர்கள் பட்டியலில் ‘நம்பர்-1’ இடத்துக்கு முன்னேறினார்.

உலகின் பல்வேறு நாடுகளில் ஆண்டுதோறும் ஃபார்முலா-1 கார்பந்தயம் நடப்பது வழக்கம். இந்த ஆண்டுக்கான தொடர் மொத்தம் 21 சுற்றுகளாக நடக்கிறது. இதன் 7வது சுற்றுக்கான தகுதிச்சுற்று போட்டியின் கடைசி தகுதிச்சுற்று இன்று மாண்ட்ரியலில் நடந்தது.

இன்று நடந்த இதன் ஃபைனலில் பெராரி அணியின் ஜெர்மனி வீரர் செபாஸ்டியன் வெட்டல் முதலிடம் பிடித்தார். மொத்தமாக 68 சுற்றுகள் கொண்ட இந்த போட்டியில் வெட்டல், பந்தய எல்லையை 1.28.31.377 நிமிடத்தில் கடந்து முதலிடம் பிடித்தார்.

இவரைவிட கூடுதலாக 7.37 வினாடிகள் எடுத்துக்கொண்ட மெர்சிடஸ் வீரர் வால்டேரி போத்தாஸ் இரண்டாவது இடம் பிடித்தார். ரெட் புல் வீரர் மேக்ஸ் வெஸ்டாப்பன் (+8.360 நிமிடங்கள்) மூன்றாவது இடம் பிடித்தார்.

நம்பர்-1 வெட்டல்....
இந்த வெற்றியின் மூலம் வெட்டலுக்கும் 25 புள்ளிகள் கிடைத்தது. இதையடுத்து இந்த ஆண்டுக்கான தொடரில் மொத்தமாக 121 புள்ளிகள் பெற்ற வெட்டல், சாம்பியன்ஷிப் வீரர்கள் பட்டியலில் ‘நம்பர்-1’ இடத்துக்கு முன்னேறினார்.

மெர்சிடஸ் வீரர் லீவிஸ் ஹாமில்டன் (120 புள்ளிகள்) இரண்டாவது இடத்துக்கு தள்ளப்பட்டார். பின்லாந்தின் மெர்சிடஸ் வீரர் வால்டேரி போத்தாஸ் (86) மூன்றாவது இடத்தில் உள்ளார்.


MONTREAL: Sebastian Vettel claimed the 50th win of his career and reclaimed the lead of this year's world championship on Sunday when he ended Lewis Hamilton's run of supremacy at the Canadian Grand Prix.