லிவர்பூல் அணியை வீழ்த்தி சாம்பியன் பட்டத்தை கைப்பற்றியது ரியல் மாட்ரிட்!!

சாம்பியன் கோப்பையை தொடர்ந்து மூன்றாவது முறையாக வென்று, ரியல் மாட்ரிட் அணி சாதனைப் படைத்துள்ளது.

ஐரோப்பிய கால்பந்து அணிகளுக்கு இடையே நடக்கும் சாம்பியன்ஸ் லீக் தொடரின் இறுதி போட்டி, கீவ் நகரில் நடைபெற்றது. இதில், நான்கு முறை சாம்பியன் பட்டத்தை வென்ற ரியல் மாட்ரிட் அணியும், லிவர்பூல் அணியும் மோதின.

இரு அணிகளும் சமபலம் வாய்ந்த அணிகள் என்பதால், ஆரம்பத்திலிருந்தே ஆட்டம் சூடுபிடித்தது. ஆட்டத்தின் முதல் பாதியில் இரு அணிகளும் கோல் அடிக்க முடியாமல் திணறினர்.

இதைத் தொடர்ந்து, நடந்த இரண்டாவது பாதியில் ரியல் மாட்ரிட் அணியின் பென்சிமா முதல் கோலைப் பதிவு செய்தார். அவரது கோலை ஈடுசெய்யும் வகையில் லிவர்பூல் அணியின் சாடியோ மென் ஒரு கோல் அடித்து ஸ்கோரை 1-1 என சமன் செய்தார்.
இதைத் தொடர்ந்து, நடைபெற்ற போட்டியில் ரியல் மாட்ரிட் அணியின் கேரத் பேல் 2 கோல்களை அடித்து, ரியல் மாட்ரிட் அணியை 3-1 என்ற முன்னிலையில், வெற்றிக்கு அழைத்துச் சென்றார்.

இந்த வெற்றியின் மூலம் ரியல் மெட்ரிட் அணி சாம்பியன் கோப்பையை தொடர்ந்து 3 முறை வென்று ஹாட்ரிக் சாதனை படைத்தது. இது, ரியல் மெட்ரிட் அணியின் ஐந்தாவது சாம்பியன் லீக் வெற்றியாகும்.