உலக கோப்பை கால்பந்து :கொலம்பியாவை சமாளிக்க இந்தியாவின் திட்டம் இதுதான்!

புதுடெல்லி : குரூப் ஏ பிரிவில் இன்று கொலம்பியாவை, இந்தியா எதிர்கொள்ள உள்ளது.

பலம் பொருந்திய அணியாக உள்ள கொலம்பியா அணி இதுவரை பங்கேற்ற 4 தொடர்களில் 2 முறை (2003,09) 4வது இடத்தை பிடித்தது. அதே போல தென் அமெரிக்க சாம்பியம் போட்டியில் 1993ல் சாம்பியனானது.

மொத்தம் 6 குரூப்பில், ஒவ்வொன்றிலும் 4 அணிகள் உள்ளன. குரூப் ஏ பிரிவில் இடம்பெற்றுள்ள இந்திய அணி, முதல் போட்டியில் அமெரிக்காவிடம் வீழ்ந்தது. அதே போல் கொலம்பியா அணி கானாவிடம் வீழ்ந்தது.

தற்போது இரண்டு அணிகளும் சிறப்பாக விளையாட வேண்டிய கட்டாயநிலையில், இந்தியா, கொலம்பியாவை எதிர்கொள்ள உள்ளது.
அமர்ஜித் சிங் தலைமையிலான இந்திய அணியில் தனது வித்தியாசமான ‘ஹேர்ஸ்டைல்’ மட்டுமில்லாமல் ஆட்டத்திலும் கவனம் ஈர்க்கும் கோமல் மீண்டும் அசத்த வேண்டும்.

கோல்கீப்பராக அரணாக உள்ள தீரஜ் சிங் எதிரணியின் கோல் வாய்ப்பை தடுத்து நம்பிக்கை அளிப்பார் என எதிர்பார்க்கப்படுகின்றது. தற்காப்பில் மிக நுணுக்கமாக செயல்பட்டு வரும் அன்வர் அலி, ஜிதேந்திர சிங் சிறப்பான தடுப்பாட்டத்திற்கு உதவுவார்கள் என நம்பப்படுகிறது.