இந்தியாவில் சர்வதேச கால்பந்து கூட்டமைப்பு (பிபா) நடத்தும் 17 வயதுக்கு உட்பட்டோருக்கான கால்பந்து உலகக் கோப்பை தொடர் இன்று துவங்கியது. இதில் இந்திய அணி உட்பட சுமார் 24 சர்வதேச அணிகள் பங்கேற்கிறது.
இதில் கோவாவின் ஜவஹர்லால் நேரு மைதானத்தில் நடந்த 'குரூப்-சி’ பிரிவின் லீக் போட்டியில் ஜெர்மனி, கோஸ்டா ரிகா அணிகள் மோதின. இதில் துவக்கம் முதல் ஜெர்மனி வீரர்கள் ஆதிக்கமே அதிகமாக இருந்தது.
போட்டியின் முதல் பாதியின் 21வது நிமிடத்தில் ஜெர்மனி வீரர் ஏ.ஆர்.பி., முதல் கோல் அடித்தார். இதற்கு முதல் பாதியில் கோஸ்டா ரிகா அணி வீரர்களால் பதிலடி கொடுக்க முடியவில்லை. முதல் பாதியில் 1-0 என ஜெர்மனி அணி முன்னிலை பெற்றது.
பின் பரபரப்பாக துவங்கிய இரண்டாவது பாதியிலும் ஜெர்மனி வீரர்களின் ஆதிக்கமே அதிகமாக இருந்தது. இந்நிலையில், கோஸ்டா ரிகாவின் கோமஸ் (64வது நிமிடம்), ஒரு கோல் அடிக்க போட்டி சம நிலை வகித்தது.
இதற்கு ஜெர்மனியின் வுகு (89) கடைசி நேரத்தில் பதிலடி கொடுக்க, ஜெர்மனி அணி திரில் வெற்றி பெற்றது. இறுதியில் ஜெர்மனி அணி 2-1 என்ற கோல்கணக்கில் வெற்றி பெற்றது.
பிரேசில் அசத்தல்:
இதே போல கொச்சியில் நடந்த ‘டி’ பிரிவு லீக் போட்டியில், பிரேசில், ஸ்பெயின் அணிகள் மோதின. இதன் முதல் பாதியின் 5வது நிமிடத்தில் பிரேசில் வீரர் வீஸ்லி ஓன் கோல் அடிக்க , ஸ்பெயின் அணி முன்னிலை பெற்றது.
பின்பிரேசில் வீரர் லிங்கன் (25வது நிமிடம்) முதல் கோல் அடிக்க போட்டி சமநிலை வகித்தது. தொடர்ந்து முதல் பாதியின் கடைசி நிமிடத்தில் (45+1) பாவுலினோ மற்றொரு கோல் அடிக்க, முதல் பாதியில், பிரேசில் அணி 2-1 என முன்னிலை வகித்தது.
பின் அனல் பறக்க துவங்கிய இரண்டாவது பாதியில் இரு அணி வீரர்களாலும் கோல் அடிக்க முடியவில்லை. முடிவில், பிரேசில் அணி 2-1 என்ற கோல் கணக்கில் வெற்றி பெற்றது.
Mobile AppDownload Get Updated News