இந்தியாவில் சர்வதேச கால்பந்து கூட்டமைப்பு (பிபா) நடத்தும் 17 வயதுக்கு உட்பட்டோருக்கான கால்பந்து உலகக் கோப்பை தொடர் இன்று துவங்கியது. இதில் இந்திய அணி உட்பட சுமார் 24 சர்வதேச அணிகள் பங்கேற்கிறது.
இப்போட்டிகள் கொல்கத்தா, டெல்லி, கவுகாத்தி, நவி மும்பை, மார்கோ, கொச்சி என 6 நகரங்களில் நடக்கவுள்ளது. ஒவ்வொரு பிரிவுக்கும் 6 அணிகள் என நான்கு பிரிவுகளாக லீக் போட்டிகள் நடக்கும். இதன் முடிவில், நாக்- அவுட் போட்டிகள் நடக்கும்.
இதில் டெல்லியில் துவங்கிய முதல் போட்டியில் கொலம்பியா அணி, கானா அணியை எதிர் கொண்டது. இதில் துவக்கம் முதல் கானா அணி வீரர்களின் ஆதிக்கமே அதிகம் இருந்தது.
இதையடுத்து போட்டியின் முதல் பாதியின் 39வது நிமிடத்தில் கானா அணியின் நட்சத்திர வீரர் இப்ராஹிம் முதல் கோல் அடித்தார். இதற்கு கொலம்பியா அணி வீரர்களால் பதிலடி கொடுக்க முடியவில்லை. இதையடுத்து முதல் பாதியில் 1-0 என கானா அணி முன்னிலை பெற்றது.
பின் பரபரப்பாக துவங்கிய இரண்டாவது பாதியில் எவ்வளவு போராடியும் இரு அணி வீரர்களாலும் கோல் எதுவும் அடிக்க முடியவில்லை. இறுதியில் கானா அணி, 1-0 என்ற கோல்கணக்கில் வெற்றி பெற்றது.
நியூசி.,-துருக்கி போட்டி ‘டிரா’:
இதே போல நவி மும்பையின் படேல் மைதானத்தில் நடந்த மற்றொரு லீக் போட்டியில், நியூசிலாந்து, துருக்கி அணிகள் மோதின. இதன் முதல் பாதியில் துருக்கி அணிக்கு, அஹமது (18வது நிமிடம்) ஒரு கோல் அடித்தார். இதற்கு இரண்டாவது பாதியில் நியூசிலாந்து வீரர் மாட்டா (58) பதிலடி கொடுக்க, முடிவில், போட்டி 1-1 என்ற கோல் கணக்கில் டிரா ஆனது.
Mobile AppDownload Get Updated News