குஜராத் அணியை வீழ்த்தி த்ரில் வெற்றிக்கு பெயர் பெற்ற தமிழ் தலைவாஸ்

புதுடெல்லி : குஜராத் அணிக்கு எதிரான புரோ கபடி போட்டியில் தமிழ் தலைவாஸ் அணி ஒரு புள்ளி வித்தியாசத்தில் த்ரில் வெற்றி பெற்றுள்ளது.

குரூப் ஏ பிரிவில் உள்ள குஜராத் அணிக்கும், குரூப் பி பிரிவில் உள்ள தமிழ் தலைவாஸ் அணிக்கு இடையே போட்டி நடந்தது. இதில் தமிழ் தலைவாஸ் த்ரில் வெற்றி 34 - 35 புள்ளிகள் என ஒரு புள்ளி வித்தியாசத்தில் த்ரில் வெற்றி பெற்றுள்ளது.

போட்டி தொடங்கியது முதல் ஆதிக்கம் செலுத்தி வந்த குஜராத் அணி விரைவாக புள்ளிகளை சேர்த்தது. கடைசி நேரத்தில் குஜராத் அணி 34 புள்ளிகளைப் பெற்று இருந்த நிலையில், தமிழ் தலைவாஸ் அணி 23 புள்ளிகளுடன் பரிதாபமாக இருந்தது.

ஆனால் தமிழ் தலைவாஸ் கேப்டன் அஜய் தாகூர் ரெய்டு சென்று அடுத்தடுத்து புள்ளிகளை குவித்தார். அதே போல ரெய்டு வந்த குஜராத் வீரர்களை பல்க் லைனை கூட தொட விடாமல் பிடித்து அமிக்கி புள்ளிகளை அள்ளினர்.

செப்டம்பர் 24ம் தேதி நடந்த குரூப் பி பிரிவில் பெங்கால் அணிக்கு எதிராக தமிழ் தலைவாஸ் அணி 32-33 என கடைசி நேரத்தில் ஒரு புள்ளி வித்தியசத்தில் வெற்றி பெற்றிருந்தது குறிப்பிடத்தக்கது.

குரூப் பி உள்ள தமிழ் தலைவாஸ் அணி 13 போட்டிகளில் விளையாடி 4ல் வெற்றி பெற்றுள்ளது.