ஜமைக்காவின் வேகப்புயல் உசைன் போல்ட் தற்போது பங்கேற்றுள்ள ஐ.ஏ.ஏ.ஃப். உலக சாம்பியன்ஷிப் தொடருடன் ஓய்வு பெறுவதாக அறிவித்துள்ளார். இந்நிலையில் அவர் வசம் இருக்கும் அதிக சாம்பியன்ஷிப் பதக்கங்கள் பெற்ற சாதனையை அமெரிக்க வீராங்கனை அல்லிசன் ஃபெலிக்ஸ் முறியடித்துள்ளார்.
உசைன் போல்ட் 11 தங்கப்பதக்கங்கள் உட்பட 14 பதக்கங்கள் பெற்றுள்ளார். ஐ.ஏ.ஏ.ஃப். தொடரின் மகளிருக்கான 4x100 மீட்டர் தொடர் ஓட்டபந்தையத்தில் தங்கம் வென்ற அல்லிசன் ஃபெலிக்ஸ் உசைன் போல்ட் சாதனையை பின்னுக்குத் தள்ளினார். தனது 10வது தங்கப் பதக்கத்தைப் பெற்றிருக்கும் அவர் மொத்தம் 15 பதக்கங்கள் பெற்று போல்ட் சாதனையை சிதறடித்துள்ளார்.
முன்னதாக, தனது கடைசி தனிநபர் 100 மீட்டர் ஓட்டபந்தையத்தில் உசைன் போல்ட் வெண்கலப் பதக்கம் வென்றுள்ளார். மேலும் தனது கடைசி ஓட்டப்பந்தையமாக அமைந்த ஆடவருக்கான 4x100 மீட்டர் தொடர் ஓட்டப்பந்தையத்தில் காயம் காரணமாக பாதியிலேயே விலகிக்கொண்டார்.
Mobile AppDownload Get Updated News