உலகின் மின்னல் மனிதன் ஜமைக்காவின் உசைன் போல்ட். இவர் பீஜிங் (2008), லண்டன் (2012), ரியோ (2016) என ஒலிம்பிக் அரங்கில் 100 மீ., ஓட்டத்தில் ஹாட்ரிக் தங்கம் வென்று அசத்தியவர். தவிர, இதே ஒலிம்பிக்கில் 200 மீ, 4*100 மீ., ஓட்டத்திலும் மூன்று முறையும் தங்கம் வென்றிருந்தார். ஆனால் இவரது அணி வீரர் செய்த தவறால், இவரது ஒரு 4*100 மீ ஒலிம்பிக் தங்கம் பறிபோனது.
தவிர, 100 மீ., ஓட்டத்தில் கடந்த 2009ல் ஜெர்மனியின் பெர்லினில் நடந்த உலக சாம்பியன்ஷிப் போட்டியில், 9.58 நிமிடத்தில் கடந்து உலக சாதனை படைத்தார். இந்த சாதனையை இன்றும் எந்த ஒரு வீரரும் முறியடிக்கவில்லை.
இந்நிலையில், ஸ்டாக்ஹோமில் நடந்த டைமண்ட் லீக் தடகள போட்டியின் 100 மீ., ஓட்டத்தில் கனடாவின் ஆண்டிரூ டி கிராஸ் 9.69 நிமிடத்தில் கடந்தார். ஆனால், இவருக்கு 2 மைல் வேகத்தில் வீசிய காற்று ஒத்துழைத்தது. இந்த காற்று வேகம் இல்லாவிட்டால், இவர் இந்த தூரத்தை 9.88 நிமிடங்களில் கடந்திருப்பார் என ஆய்வாளர்கள் தெரிவிக்கின்றனர்.
மின்னல் மனிதன் உசைன் போல்ட்டை இதுவரை எவரும் வீழ்த்தியது இல்லை. இந்நிலையில் வரும் ஆகஸ்ட் மாதம் நடக்கும் உலக சாம்பியன்ஷிப் தடகளத்துடன் விடை பெறும் போல்டுக்கு, டி கிராஸ் கடும் சவாலாக இருப்பார் என தெரிகிறது.
STOCKHOLM: Canada's Andre De Grasse was blown to an emphatic and remarkably swift 100 metres win in a wind-assisted 9.69 seconds at the Diamond League meeting in Stockholm on Sunday.
Mobile AppDownload Get Updated News