இந்தோனேசிய ஓபன் பேட்மிண்டன்: அரையிறுதியில் பறிகொடுத்த பிரணாய்

ஜகார்த்தா: இந்தோனேசிய ஓபன் பேட்மிண்டன் தொடரின் அரையிறுதிப் போட்டியில் இந்திய வீரர் பிரணாய் தோல்வியடைந்தார்.

இந்தோனேசியாவின் ஜகார்த்தாவில் நடைபெறும் இந்தோனேசிய ஓபன் பேட்மிண்டன் தொடரின் ஆடவர் ஒற்றையர் பிரிவு ஆட்டத்தில் இந்திய வீரர் ஹெச்.எஸ்.பிரணாய் அபாரமான ஆட்டத்தை வெளிப்படுத்தி அரையிறுதிக்கு முன்னேறினார்.

இன்று நடைபெற்ற அரையிறுதிப் போட்டியில் ஜப்பானின் சகாய் காசு மசாவை எதிர்கொண்ட பிரணாய் 21-17, 26-28,18-21 என்ற செட்களில் போராடி தோற்றார்.

மற்றொரு அரையிறுதிப் போட்டியில் இந்திய வீரர் ஸ்ரீகாந்த் கிடாம்பி உலகின் முதல் நிலை வீரரான தென் கொரியாவின் வான் ஹூ சன்னை எதிர்கொள்வது குறிப்பிடத்தக்கது.