விரைவில் தாயாகும் செரினா வில்லியம்ஸ்!

அமெரிக்காவின் நட்சத்திர டென்னிஸ் வீராங்கனையான செரினா வில்லியம்ஸ் கர்ப்பமாக உள்ளதை உறுதி செய்துள்ளார்.

அமெரிக்க டென்னிஸ் வீராங்கனை செரினா வில்லியம்ஸ், 35. தற்போது சிறந்த டென்னிஸ் வீராங்கனைகள் பட்டியில் இரண்டாவது இடத்தில் உள்ளார். விரைவில் வௌியாகவுள்ள டென்னிஸ் தரவரிசையில் மீண்டும் 'நம்பர்-1' இடத்தை பிடிக்கவுள்ளார்.

ரெட்டிட் நிறுவனத்தின் உரிமையாளர் அலெக்ஸ் ஒஹானியன், செரினாவின் நிச்சயதார்த்தம் கடந்த 2016 டிசம்பரில் நடந்தது. தொடர்ந்து 2017 ஜனவரியில் நடந்த ஆஸ்திரேலிய ஓபன் டென்னிஸ் தொடரில் பங்கேற்றார். இதன் பைனலில் தனது சகோதரியான வீனஸ் வில்லியம்சை வென்று, 23வது கிராண்ட்ஸ்லாம் பட்டம் கைப்பற்றி, முன்னாள் வீராங்கனை ஸ்டெபி கிராப் சாதனையை சமன் செய்தார். இதன் பின் காயம் காரணமாக சர்வதேச போட்டிகளில் இருந்து விலகியிருந்த இவர்,ஸ்னாப் ஷாட்டில் ஒரு கிளாமரான படத்தை வெளியிட்டார். அதில் 20 வாரங்கள் என அவர் குறிப்பிட்டிருந்தார்.

இதைப்பார்த்த செரினாவின் ரசிகர்கள் அவர் கர்ப்பமாக இருப்பதாக சமூக வலைதளங்களில் பகிரத்தொடங்கினர். ஆனால் சிறிது நேரத்துக்கு பின் செரினாவின் லாஸ் ஏஞ்சல்ஸ் செய்தி தொடர்பாளர் புஷ் நோவக் வெளியிட்ட இந்த தகவலை உறுதிசெய்தார்.இவர் ஆஸ்திரேலிய ஓபன் தொடரில் பங்கேற்ற போதே, 8 வார கருவுடன் இருந்த விஷயமும் தற்போது தெரியவந்துள்ளது.

Ace tennis player and winner of 23 Grand Slam titles Serena Williams hinted at her pregnancy on Snapchat