தரக்குறைவான கருத்து: ஒடிசா அணியின் மேலாளர் பணி நீக்கம்!

இந்தியன் சூப்பர் லீக் போட்டியில் நேற்றிரவு நடைபெற்ற ஆட்டத்தில் ஒடிசா அணியும் ஜம்சேத்பூர் அணியும் மோதின. இதில் ஜம்ஷெட்பூர் அணி 1-0 என்ற கோல் கணக்கில் வெற்றி பெற்றது, இதனால் ஒடிசா அணி புள்ளி பட்டியலில் கடைசி இடத்தில் நீடிக்கிறது. மேலும் பிளே ஆஃப் சுற்றுக்கு முன்னேறுவது அணியை மீறிய ஒரு செயலாக ஆகிவிட்டது. மேலும் நடப்பு சீசனில் தொடர்ந்து ஒடிசா அனைத்து கிடைக்கவேண்டிய பெனால்டி மறுக்கப்பட்டு வந்ததாக நினைத்த ஒடிசா அணியின் மேலாளரான ஸ்டூவர்ட் பாக்ஸ்டர் எரிச்சல் அடைந்தார்.

அந்நேரத்தில் ஆட்டம் முடிந்ததும் அவரிடம் அவரிடம் கேட்கப்பட்ட கேள்விக்கு 'பெனால்டி ஏரியாவில் எங்கள் அணி வீரர் யாரையாவது கற்பழித்தாலோ கற்பழிக்கப்பட்டாலோதான் எங்களுக்கு பெனால்டி வழங்கப்படும் என்று தெரிகிறது' என்று சர்ச்சைக்குரிய கருத்தை பதிவிட்டார். இதற்கு பலர் கடுமையான எதிர்ப்பு தெரிவித்தனர்.

இதற்கு உடனடியாக ஒடிசா அணி நிர்வாகத்தின் சார்பாக அதிகாரபூர்வமான சமூகவலைதளங்களில் பகிரங்கமாக மன்னிப்பு கேட்கப்பட்டது. அதைத்தொடர்ந்து இன்று அவரை பணி நீக்கம் செய்துள்ளனர்.

மெர்சிடிஸ் அணியின் புதிய கார்: மார்ச் மாதம் மக்கள் முன்னால்!

மேலாளரை பணிநீக்கம் செய்து விட்ட நிலையில் தற்காலிக மேலாளர் யார் என்பது விரைவில் அறிவிக்கப்படும் என்று தெரிவிக்கப்பட்டுள்ளது. ஸ்டூவர்ட் பாக்ஸ்டர் தனது 25 ஆண்டுகால அனுபவத்தில் ஒடிசா அவரது 18ஆவது அணி என்பது குறிப்பிடத்தக்கது.