ஆன்-லைன் பயிற்சியில் திடீரென தோன்றிய ஆபாச படங்கள்: கடுப்பான கோபிசந்த்!

கொரோனா வைரஸ் காரணமாக சர்வதேச அளவில் விளையாட்டு போட்டிகள் எதுவும் நடக்கவில்லை. இதற்கிடையில் இந்திய பேட்மிண்டன் கூட்டமைப்பு மற்றும் இந்திய விளையாட்டு கூட்டமைப்பு சேர்ந்து ஆன்லைன் பயிற்சி ஏற்பாடு செய்திருந்தது. இதில் சுமார் 700க்கும் மேற்பட்டோர் வீடியோ காண்பரன்ஸ் மூலம் கலந்து கொண்டனர்.

21 நாட்கள்
சுமார் 21 நாட்கள் நடக்க திட்டமிடப்பட்டிருந்த இந்த பயிற்சியில் இந்தியாவின் கோபிசந்த் உடன், இந்தோனேஷியாவின் சாந்தோசோ, சுரோடோ உள்ளிட்டோர் பயிற்சியாளர்களுக்கான செஷனில் கலந்து கொண்டனர். பயிற்சியாளர்களுடன் இதில் சில குழந்தைகள் , பெற்றோர்களும் பங்கேற்றானர்.

ஆபாச படங்கள்
இதற்கிடையில் இந்த பயிற்சி ஆன்லைனில் நடந்து கொண்டிருந்த போது திடீரென பல முறை ஆபாச படங்கள் தோனியதாக கூறப்படுகிறது. இதனால் கோபிசந்த் உள்ளிட்டோர் லாக் அவுட் செய்து வெளியேறிவிட்டதாக தெரிகிறது.

இந்த பயிற்சியில் கலந்து கொண்ட ஒருவர் கூறுகையில், “புது இந்தோனிஷ பயிற்சியாளர் சாந்தோசோ தான் இந்த சம்வத்துக்கு சாட்சி. முதலில் ஆபாச படங்கள் திரையில் தோன்றியது. பின் சிறிது நேரம் மறைந்தது. மீண்டும் தோன்றிது. இப்படியே பல முறை அந்த செஷன் முழுதும் இதே வேலையாக இருந்தது” என்றார்.

இதாங்க தல தோனி மனசு... சிஎஸ்கேவிடம் இருக்கிற முக்கியாமானது மும்பையிடம் இல்ல: ஹர்பஜன் சிங்!

ஜூம் வீடியோ
ஜூம் வீடியோ கால் மூலம் இந்த பயிற்சி நடந்ததாக கூறப்படுகிறது. வீடியோ காண்பரன்ஸ்களுக்கு ஜூம் வீடியோ பாதுகாப்பற்றது என அரசு தரப்பில் தெரிவிக்கப்பட்ட நிலையில் இந்த கூட்டம் ஜூமில் நடத்தப்பட்டது மிகப்பெரிய சர்ச்சையை ஏற்படுத்தியுள்ளது.

சச்சினாலே சதம் தான் தெரியும்... இப்படிப்பட்ட விசித்திர சாதனையும் செஞ்சிருக்காரா?

தொழில் நுட்ப கோளாறு
ஆனால் இந்த கூட்டத்தின் போது ஹாக் எதுவும் செய்யப்படவில்லை என்றும், சில தொழில்நுட்ப கோளாறு தான் இந்த மோசமான சம்பவத்துக்கு காரணம் என்றும் இந்திய விளையாட்டு அமைச்சகம் சார்பில் விளக்கம் அளிக்கப்பட்டுள்ளது.