டி-20 பாணியில் பிரபலமாகும் ஹாக்கி போட்டிகள்!

இந்தியாவின் தேசிய விளையாட்டாகக் கருதப்படும் ஹாக்கி போட்டிகள் கடந்த காலங்களில் இந்தியாவில் மிகவும் பிரபலமாக விளையாடப்பட்டு வந்தன. குறிப்பாக, ஒலிம்பிக் போட்டிகளில் ஹாக்கி விளையாட்டில் இந்தியாதான் நீண்ட காலமாக ஆதிக்கம் செலுத்தி வந்தது. ஆனால் கடந்த பத்து ஆண்டுகளுக்கும் மேலாக சர்வதேச ஹாக்கி போட்டிகளில் இந்தியாவால் பெரிய அளவில் சாதிக்க முடியவில்லை.

பந்தை ஓவரா தேய்.. தேய்ன்னு... தேய்ச்சே சிக்கிய... நிகோலஸ் பூரன்... !

ஹாக்கி மீதான ஆர்வம் மக்களிடையே குறைந்து வருவதற்கு கிரிக்கெட் மீதான ஈர்ப்பும் ஒரு காரணமாகும். கிரிக்கெட் போட்டிகளைக் காணத் துடிக்கும் ரசிகர்கள் அதிகமாக இருக்கும் இந்தியாவில் ஹாக்கி விளையாட்டுக்கான ரசிகர் பட்டாளம் மிக மிகக் குறைவு. ஹாக்கி விளையாட்டைத் தேர்ந்தெடுக்கும் விளையாட்டு வீரர்களின் எண்ணிக்கையும் குறைந்து வருகிறது.

இப்போல்லாம் இது ரொம்ப சகஜமா போச்சு...: கெட்ட கெட்ட வார்த்தையில் பேசிய பேர்ஸ்டோவ்...!

கிரிக்கெட் போட்டிகள் மீதான சுவாரஸ்யத்தை மேலும் அதிகரிக்கும் முனைப்பில் எவ்வாறு டி-20 போட்டிகள் அறிமுகம் செய்யப்பட்டனவோ, அதுபோல, ஹாக்கி விளையாட்டை மேலும் பிரபலப்படுத்த ஹாக்கி 5எஸ் போட்டிகள் அறிமுகப்படுத்தப்பட்டு சர்வதேச அளவில் விளையாடப்பட்டு வருகின்றன.

குத்துச்சண்டையில் தங்கப்பதக்கம் வென்ற ராஜமகள் நடிகை ஐரா அகர்வால்!!

ஹாக்கி போட்டிகளில் கோல் கீப்பர் உட்பட அணிக்கு 11 பேர் விளையாடுவார்கள். ஹாக்கி 5எஸ் போட்டியில் ஒரு கோல் கீப்பர் உட்பட மொத்தம் 5 பேர் மட்டுமே ஒரு அணியில் இருப்பர். மைதானத்தின் அளவும் பாதியாகக் குறைக்கப்பட்டிருக்கும். விளையாட்டுக்கான கால அளவு 36 நிமிடங்கள் மட்டுமே.

என் சாதனையை காலி பண்ணிட்டயே உனக்கு வெட்கமா இல்ல...: எல்லாம் சென்னை கத்துக்கொடுத்த பாடம் பாஸ்...!

இவ்வாறு ஹாக்கி போட்டிகளை இன்னும் விறுவிறுப்பாக்க ஹாக்கி 5எஸ் போட்டிகள் உலகின் மற்ற நாடுகளைப் போலவே இந்தியாவிலும் பிரபலப்படுத்தப்பட்டு வருகின்றன. இந்த ஹாக்கி 5எஸ் போட்டிகளுக்கான உலகக் கோப்பை தொடர் 2023ஆம் ஆண்டில் ஏற்பாடு செய்யப்பட்டுள்ளது. சர்வதேச ஹாக்கி கூட்டமைப்பின் தலைவர் நரேந்திர துருவ் பத்ரா தலைமையில் இதற்கான ஆலோசனைக் கூட்டம் நவம்பர் 8, 9 ஆகிய தேதிகளில் சுவிட்சர்லாந்து நாட்டின் லாசன்னே நகரில் நடைபெற்றது.

ஆண்கள் பிரிவுக்கும் பெண்கள் பிரிவுக்கும் சேர்த்து மொத்தம் 16 அணிகள் பங்கேற்கும் வகையில் இந்த உலகக் கோப்பை தொடர் தொடங்கவுள்ளது. இந்தியாவைப் பொறுத்தவரையில், தற்போது 2020 டோக்கியோ ஒலிம்பிக் போட்டிகளுக்குத் தயாராகி வருவதாகவும், அதன் பின்னரே உலகக் கோப்பை போட்டிகளில் கவனம் செலுத்தவுள்ளதாகவும் ஹாக்கி இந்தியா கூட்டமைப்பின் தலைமைச் செயலதிகாரியான எலீனா நார்மன் கூறியுள்ளார்.