முதல் சுற்றில் தோல்வியடைந்து வெளியேறிய பிவி சிந்து!

சீனாவின் புஸ்ஹாவில் சீன ஓபன் பேட்மிண்டன் தொடர் நடக்கிறது. இதன் முதல் சுற்றில் உலகில் 6வது இடத்தில் உள்ள இந்தியாவின் நட்சத்திர வீராங்கனை பிவி சிந்து, உலகின் 42வது இடத்தில் உள்ள சீன தைப்பேவின் பாய் யூவை எதிர்கொண்டார்.

இதன் முதல் செட்டை சொதப்பலாக 13-21 என இழந்த சிந்து, அடுத்த செட்டில் எழுச்சி கண்டு, 18-21 என கைப்பற்றினார். தொடர்ந்து வெற்றியாளரை தீர்மானிக்கும் கடைசி செட்டில் படு சொதப்பலாக விளையாடிய சிந்து 19-21 என இழந்தார்.

இறுதியில், இந்தியாவின் சிந்து, சீன தைப்பேவின் பாய் யூவிடம் 13-21, 21-18, 19-21 என்ற செட்களில் தோல்வியடைந்து வெளியேறினார்.

பொண்ணப்பா ஜோடி வெற்றி..
இதேபோல தரவரிசையில் கலப்பு இரட்டையர் பிரிவில் இந்தியாவின் ராங்கி ரெட்டி, அஸ்வினி பொண்ணப்பா ஜோடி, கனடாவின் ஜோசுவா, ஜோசப்பின் ஜோடியை 21-19, 21-19 என்ற செட்களில் வீழ்த்தி அடுத்த சுற்றுக்கு முன்னேறினார்.

பிரனாய் ஏமாற்றம்..
இதேபோல ஆண்கள் ஒற்றையர் பிரிவு முதல் சுற்றில் சமீபத்தில் டெங்கு காய்ச்சலில் இருந்து மீண்டு வந்த இந்தியாவின் பிரனாய், டென்மார்க்கின் ராஸ்மஸ் ஜெம்கியிடம் 17-21, 18-21 என்ற நேர் செட்களில் தோல்வியடைந்து வெளியேறினார்.