ISL 2019: ஏடிகேவிடம் போராடி தோல்வியை சந்தித்த சென்னையின் எப்சி!

ஐபிஎல் பாணியில் உள்ளூர் கால்பந்து தொடரான இந்தியன் சூப்பர் லீக் தொடர் நடக்கிறது. இதில் சென்னையில் நடந்த லீக் போட்டியில் ஏடிகே அணி, சென்னையின் எப்சி அணிகள் மோதின. இதில் துவக்கம் முதல் ஏடிகே அணி வீரர்களின் ஆதிக்கமே அதிகளவில் இருந்தது.

முதல் பாதி ‘டிரா’....
இதன் முதல் பாதியில் இரு அணி வீரர்களின் கோல் முயற்சியும் தோல்வியில் முடிந்தது. முதல் பாதியின் முடிவில் 0-0 என கோல் எதுவுமின்றி முடிந்தது.

வில்லியம்ஸ் அசத்தல்...
பரபரப்பாக துவங்கிய இரண்டாவது பாதியின் துவக்கத்திலேயே, 48வது நிமிடத்தில் ஏடிகே வீரர் டேவிட் வில்லியம்ஸ் ஒரு கோல் அடித்தார். இதன் மூலம் ஏடிகே அணி 1-0 என முன்னிலை பெற்றது. இதற்கு பதிலடி கொடுக்க நினைத்த சென்னையின் எப்சி அணி வீரர்களின் கோல் முயற்சி வீணானது.


இறுதியில் ஏடிகே அணி, சென்னையின் எப்சி அணி 1-0 என வீழ்த்தியது.

‘1000’வது கோல்
இப்போட்டியில் வில்லியம்ஸ் அடித்த கோலி ஐஎஸ்எல் தொடரில் அடிக்கப்பட்ட 1000வது கோலாக அமைந்தது. இந்த தோல்வியின் மூலம் சென்னையின் எப்சி அணி, பங்கேற்ற மூன்று போட்டியிலும் இதுவரை ஒரு கோல் கூட அடிக்காமல் சொதப்பலான ஆட்டத்தை வெளிப்படுத்தி வருகிறது.


ஏடிகே அணி மறுபக்கம் பங்கேற்ற 3 போட்டியில் 2 வெற்றி, 1 தோல்வி என 6 புள்ளிகளுடன், முதலிடத்திற்கு முன்னேறியது. சென்னையின் எப் சி அணி, பங்கேற்ற 3 போட்டியில் 2 தோல்வி, 1 டிரா என 1 புள்ளியுடன் 8வது இடத்தில் நீடிக்கிறது.