ISL: சென்னை எப் சியை வீழ்த்திய கோவா எப் சி!

ஐபிஎல் பாணியில் உள்ளூர் கால்பந்து தொடரான இந்தியன் சூப்பர் லீக் தொடர் நடக்கிறது. இதில் கோவாவில் நடந்த லீக் போட்டியில் கோவா, சென்னையின் எப்சி அணிகள் மோதின. இதில் துவக்கம் முதல் கோவா அணி வீரர்களின் ஆதிக்கமே அதிகளவில் இருந்தது.

கோவா ஆதிக்கம்
இதில் கோவா அணிக்கு புதிதாக ஒப்பந்தம் செய்யப்பட்ட செமினேலன் டாங்கல் 30வது நிமிடத்தில் முதல் கோல் அடித்தார். தொடர்ந்து ஆதிக்கத்தை தொடர் கோவா அணிக்கு அதிக கோல் அடித்த வீரரான பெரான் கோராமினாஸ் 62வது நிமிடத்தில் அடித்த கோல் அடித்தார்.

பலனில்லை
இதற்கு சென்னை அணி வீரர்கள் பதிலடி கொடுக்க போராடிய முயற்சிகள் அனைத்தும் தோல்வியில் முடிந்தது. தொடர்ந்து சிறப்பான ஆட்டத்தை வெளிப்படுத்திய கோவா அணிக்கு மாற்று வீரராக வந்த கார்லோஸ் பெனா 81வது நிமிடத்தில் மிரட்டலாக மேலும் ஒரு கோல் அடிக்க, கோவா அணி வலுவான முன்னிலை பெற்றது .

ஆரம்பம் முதலே...
இந்நிலையில் போட்டியின் துவக்கம் முதலே, கோவா அணி வீரர்களிடம் இருந்து பந்தை தட்டிப்பறிக்க சென்னை வீரர்கள் படாதபாடு பட்டனர். அப்படியிருந்தும் போட்டியின் 12வது நிமிடத்தில் கோல் அடிக்க கிடைத்த வாய்ப்பு வீணானது.

வாய்ப்பை உருவாக்கியது ...
தொடர்ந்து சொதப்பிய சென்னை அணியிடம் இருந்து கோவா அணி வீரர்கள் அந்த வாய்ப்புகளை பயன்படுத்திக்கொண்டு, கோல் வாய்ப்புகளை உருவாக்கி சிறப்பான வெற்றியை பதிவு செய்தனர்.