இந்தியா ஏமாற்றம்...
முதல் தகுதிச்சுற்றில் இந்திய அணி, ஓமனிடம் 1–2 தோல்வியடைந்தது. தொடர்ந்து கத்தாருக்கு எதிரான இரண்டாவது போட்டியை இந்திய அணி ‘டிரா’ செய்தது. இந்நிலையில் இன்று கொல்கத்தாவில் நடந்த மூன்றாவது தகுதிச்சுற்று போட்டியில் இந்திய அணி, வங்கதேச அணியை எதிர்கொண்டது.
முதல் பாதி... பீதி...
பரபரப்பாக துவங்கிய முதல் பாதியில் இரு அணி வீரர்களும் கோல் அடிக்க முயற்சித்தனர். ஆனால், இந்திய வீரர்களின் முயற்சி தோல்வியடைந்தது. ஆனால் போட்டியின் 42வது நிமிடத்தில் கிடைத்த வாய்ப்பை வங்கதேச வீரர் சாத் உதின் கோலாக மாற்றினார்.
பதிலடி இல்லை..
இதற்கு முதல் பாதியில் கூடுதலாக வழங்கப்பட்ட 2 நிமிடங்கள் வரை இந்திய வீரர்கள் பதிலடி கொடுக்க முயன்றனர். ஆனால் இந்திய வீரர்களுக்கு ஏமாற்றமே மிஞ்ச, கொல்கத்தா சால்ட் லேக் மைதானமே அதிர்ச்சியில் வாயடைத்துப்போனது.
மெகா சொதப்பல்...
இதையடுத்து முதல் பாதியின் முடிவில், வங்கதேச அணி 1-0 என முன்னிலை பெற்றது. விறுவிறுப்பாக துவங்கிய இரண்டாவது பாதியில் இந்திய அணி வீரர்கள் ஆதிக்கம் செலுத்தினர்.
இதையடுத்து இந்திய அணிக்கு, போட்டியின் 88வது நிமிடத்தில் அடில் கான் ஒரு கோல் அடித்து மிரட்டினார். இதற்கு கடைசி வரை பதிலடி கொடுக்க முயற்சித்த வங்கதேச வீரர்களின் கோல் முயற்சி தோல்வியடைய போட்டி 1-1 என ‘டிரா’வில் முடிந்தது.
Mobile AppDownload Get Updated News
.jpeg)
