உலக மல்யுத்த சாம்பியன்ஷிப்: வெண்கலம் வென்றார் பஜ்ரங் பூனியா!

கஜகஸ்தானில் உலக மல்யுத்த சாம்பியன்ஷிப் போட்டிகள் நடக்கிறது. இதன் ஆண்கள் 65 கிலோ எடைப்பிரிவில் இந்தியாவின் பஜ்ரங் பூனியா பங்கேற்றார். இதன் முதல் சுற்றில் பூனியா, போலாந்தின் பியின்கோவிஸ்கீயை 9-2 என விழ்த்தினார்.

காலிறுதியில் மிரட்டல்
இரண்டாவது போட்டியில் சுலோவேனியாவின் டேவிட் ஹபாத்தை எதிர்கொண்ட பூனியா 3-0 என வென்றார்.
பின் நடந்த காலிறுதியில் வட கொரியாவின் ஜாங் சால் சனை, 8-1 என வீழ்த்தினார்.

அரையிறுதியில் ஏமாற்றம்...
அடுத்து நடந்த அரையிறுதியில் கஜகஸ்தானின் தவத்தை எதிர்கொண்ட, பஜ்ரங் பூனியா, 9-9 என போட்டியை ‘டிரா’ செய்தார்.

இதையடுத்து இன்று நடந்த வெண்கலப்பதக்கத்துக்கான போட்டியில் பூனியா ரெபிசேஜ் வெற்றியாளரான மங்கோலியாவின் துல்கா தோமரை எதிர்கொண்டார். இதில் துவக்கம் முதல் அசத்திய பஜ்ரங் பூனியா 8-7 என வெற்றி பெற்றார். இதன் மூலம் வெண்கலப்பதக்கம் கைப்பற்றி அசத்தினார்.