விம்பிள்டன்: ஐந்தாவது முறையாக சாம்பியனான ஜோகோவிச்: போராடி வீழ்ந்த பெடரர்!

இங்கிலாந்தில் கிராண்ட்ஸ்லாம் டென்னிஸ் தொடரில் ஒன்றான விம்பிள்டன் டென்னிஸ் தொடந் நடந்தது. இதன் ஆண்கள் ஒற்றையர் பிரிவு பைனலில் செர்பியாவின் நோவாக் ஜோகோவிச், சுவிட்சர்லாந்தின் ரோஜர் பெடரரை எதிர்கொண்டார்.

பஞ்சமில்லா பரபரப்பு:
இதன் முதல் செட்டை ஜோகோவிச் 7–6 என கைப்பற்றினார். இதற்கு இரண்டாவது செட்டை 6–1 என எளிதாக கைப்பற்றி பெடரர் பதிலடி கொடுத்தார்.

மூன்றாவது செட்டில் எழுச்சி பெற்ற ஜோகோவிச், 7–6 என தன்வசப்படுத்தினார். தொடர்ந்து நான்காவது செட்டை பெடரர் 6–4 என வெல்ல, பரபரப்பு அதிகரித்தது. வெற்றியாளரை தீர்மானிக்கும் கடைசி செட்டில் ஜோகோவிச் 13–12 என போராடி வென்றார்.


சுமார் 4 மணி நேரத் 57 நிமிடங்கள் நடந்த இந்த போட்டியில், ஜோகோவிச் 7–6, 1–6, 7–6, 4–6, 13–12 என வெற்றி பெற்றார்.

ஐந்தாவது முறை:
இந்த வெற்றியின் மூலம், விம்பிள்டன் தொடரில் ஜோகோவிச் ஐந்தாவது முறையாக சாம்பியன் பட்டம் வென்று அசத்தினார். தவிர, தொடர்ந்து இரண்டாவது முறையாக (2018, 19) சாம்பியன் ஆனார் ஜோகோவிச்.

கிராண்ட்ஸ்லாம் தொடரில் அதிகமுறை சாம்பியன் பட்டம் வென்ற வீரர்கள் பட்டியலில், ஜோகோவிச் (16 பட்டம்) மூன்றாவது இடம் பிடித்தார். சுவிட்சர்லாந்தின் ரோஜர் பெடரர் (20), ஸ்பெயினின் ரபெல் நடால் (18) உள்ளனர்.