விம்பிள்டன்: ஆறாவது முறையாக ஃபைனலுக்கு முன்னேறிய நோவாக் ஜோகோவிச்!

இங்கிலாந்தில் கிராண்ட்ஸ்லாம் டென்னிஸ் தொடரான விம்பிள்டன் டென்னிஸ் தொடர் நடக்கிறது. இதன் ஆண்கள் அரையிறுதியில் செர்பியாவின் நோவாக் ஜோகோவிச், ஸ்பெயினின் ராபர்டோ பாட்டிஸ்டா அகத்தை எதிர்கொண்டார்.

இதில் துவக்கம் முதல் ஜோகோவிச்சின் ஆதிக்கமே அதிகம் இருந்தது. இதன் முதல் செட்டை 6-2 என கைப்பற்றிய ஜோகோவிச், அடுத்த செட்டை 4-6 என இழந்தார். பின் சுதாரித்த ஜோகோவிச் மூன்றாவது செட்டை 6-3 என எளிதாக வென்ற ஜோகோவிச், நான்காவது செட்டை 6-2 என மிகச்சுலபமாக தன்வசப்படுத்தினார்.


முடிவில், செர்பியாவின் நோவாக் ஜோகோவிச், ஸ்பெயினின் ராபர்டோ பாட்டிஸ்டாவை 6-2, 4-6, 6-3 6-2 என்ற செட்களில் வீழ்த்தி ஃபைனலுக்கு தகுதி பெற்றார்.

மற்றொரு ஆண்கள் அரையிறுதியில், ஸ்பெயினின் நட்சத்திர வீரர் ரபெல் நடால், சுவிட்சர்லாந்தின் ரோஜர் பெடரர் மோதுகின்றனர். இதில் வெல்பவரை ஜோகோவிச் ஃபைனலில் எதிர்கொள்வார்.


6வது ஃபைனல்:
இந்த வெற்றியின் மூலம், விம்பிள்டன் தொடரின் ஃபைனலிக்கு ஜோகோவிச் ஆறாவது முறையாக முன்னேறி அசத்தினார் ஜோகோவிச். முன்னதாக விம்பிள்டன் தொடரில் கடந்த 2011, 2014, 2015, 2018 தொடர்களில் ஜோகோவிச் சாம்பியன் பட்டம் வென்றுள்ளார்.