கேல் ரத்னா விருதுக்கு ஹீனா சிந்து, அன்குர் மிட்டல் பரிந்துரை!

புதுடெல்லி: நாட்டின் உயரிய விளையாட்டு விருதான ராஜீவ் கேல் ரத்னா விருதுக்கு ஹீனா சிந்து, அன்குர் மிட்டல் பெயர்களை தேசிய துப்பாக்கிசுடுதல் கூட்டமைப்பு பரிந்துரை செய்துள்ளது.

சர்வதேச துப்பாக்கி சுடுதல் தரவரிசையில் ‘நம்பர்-1’ இடம் பிடித்த துப்பாக்கி சுடுதல் வீராங்கனை ஹீனா சிந்து (29 வயது). இவர் உலகக்கோப்பை , காமென்வெல்த்போட்டிகள், ஆசிய சாம்பியன்ஷிப் அரங்கில் தங்கப்பதக்கம் வென்றுள்ளார்.

மிட்டல் சாதனை:
தவிர, 10 மீ., ஏர் பிஸ்டல் பிரிவில் (203.8 புள்ளிகள்) உலக சாதனை படைத்துள்ளார். இதே போல ஷாட் கன் பிரிவில் கடந்த 2017ல் தங்கப்பதக்கம் மற்றும் வெள்ளிப்பதக்கம் வென்றுள்ளார்.

அதன் பின் நடந்த ஆசிய சாம்பியன்ஷிப், மற்றும் காமன்வெல்த் சாம்பியன்ஷிப் போட்டிகளில் டபுள் டிராப் பிரிவில் அசத்தினார். இதன் காரணமாக டபுள் டிராப் பிரிவில் ‘நம்பர்-1’ இடம் பிடித்தார்.
வேறு யார்.. யார்....?
இதைதொடர்ந்து விளையாட்டு வீரர்களுக்கு வழங்கப்படும் உயரிய விருதான ராஜீவ் காந்தி கேல் ரத்னா விருதுக்கு தேசிய துப்பாக்கி சுடுதல் கூட்டமைப்பு ஹீனா சிந்து, அன்குர் மிட்டல் பெயர்களை பரிந்துரை செய்துள்ளது.

இதே போல அஞ்சும் மோத்கில் (ரைபிள்), ஷஜார் ரிஸ்வி (பிஸ்டல்), ஓம் பிரகாஷ் மிதர்வால் (பிஸ்டல்) ஆகியோரின் பெயர்கள் அர்ஜூனா விருதுக்கு பரிந்துரை செய்யப்பட்டுள்ளது.