செக்ஸி மாடல்:
கடந்த 1987 ஏப்ரல் 19ல் ரஷ்யாவில் பிறந்தவர் மரியா ஷரபோவா. 5 கிராண்ட்ஸ்லாம், ஒலிம்பிக் பதக்கம் வென்றுள்ள ஷரபோவா, கடந்த 1994 முதல் அமெரிக்காவில் வசித்து வருகிறார். சிறந்த டென்னிஸ் வீராங்கனையாக திகழும் இவர், செக்ஸியான மாடலாகவும் உள்ளார்.
கடந்த 1994ல் ஷரபோவாவின் தந்தை யூரி ஷரபோவா, அவரை மயாமிக்கு அழைத்துச் சென்று டென்னிஸ் பயிற்சி வழங்க துவங்கினார்.
டென்னிஸ் பயணம்:
சர்வதேச அளவில் மிகப்பெரிய டென்னிஸ் வீரர்களான ஆண்டிரு அகாசி, செரினா வில்லியம்ஸ், வீனஸ் வில்லியம்ஸ் உருவாக்கிய நிக் டென்னிஸ் அகாடமியில் கடந்த 1995ல் ஷரபோவா சேர்ந்தார்.
கடந்த 2001ல் தனது 14 வயதில் சர்வதேச டென்னிஸ் பயணத்தை துவங்கிய ஷரபோவா, 2002ல் தனது 15வது வயதில் ஆஸ்திரேலிய ஓபன் ஜூனியர் தொடரின் ஃபைனலுக்கு முன்னேறிய இளம் வீரர் என்ற பெருமை பெற்றார்.
17 வயதில் அசத்தல்:
கடந்த 2004ல் இரண்டு முறை சாம்பியன் பட்டம் வென்ற செரினா வில்லியம்ஸை தனது 17வது வயதில் வீழ்த்தி அசத்தினார் ஷரபோவா.
கடந்த 2005ல் தனது 18வது வயதில் சர்வதேச டென்னிஸ் வீராங்கனைகளுக்கான தரவரிசைப்பட்டியலில் நம்பர்-1 இடத்துக்கு முன்னேறினார்.
தொடர்ந்து 2006ல் யு.எஸ். ஓபன், 2008ல் ஆஸ்திரேலிய ஓபன், 2012ல் பிரெஞ்சு ஓபன், 2014 பிரெஞ்சு ஓபன் என தொடர் வெற்றியை சந்தித்தார்.
தேடுதல் வேட்டை:
கடந்த 2005, 2008 ஆண்டுகளில் சர்வதேச அளவில் அதிகம் இணையதளத்தில் தேடப்பட்ட விளையாட்டு வீரர்கள் பட்டியலில் ஷரபோவா முதலிடம் பெற்றார்.
புகழின் உச்சிக்கு சென்ற ஷரபோவா, கடந்த 2016ல் டோப்பிங் சர்ச்சையில் சிக்கி 2 ஆண்டுகள் தடை பெற்றார். பின் இந்த தண்டனை 15 மாதங்களாக குறைக்கப்பட்டது.
டிரெண்ட் செட்டர்:
கடந்த 2018ல் போர்ப்ஸ் வெளியிட்ட விளம்பர ஒப்பந்தங்களில் டிரெண்ட் செட்டராக திகழ்ந்த பெண் விளையாட்டு வீராங்கனைகள் பட்டியலில் ஷரபோவா 8வது இடம் பெற்றார்.
Mobile AppDownload Get Updated News