Ballon d'Or award: ரொனால்டோ, மெஸ்சியை ஓரங்கட்டிய லூகா மாட்ரிக்: பிபா சிறந்த வீரர் விருது வென்று அசத்தல்!

சர்வதேச கால்பந்து உலகில் சிறந்து விளங்கும் வீரர்களுக்கு, சர்வதேச கால்பந்து கூட்டமைப்பு (பிபா) ஆண்டுதோறும் கடந்த 1956 முதல் பலூன் டி’ஆர் (சிறந்த கால்பந்து வீரர்) விருது வழங்கப்படுகிறது. இதை அர்ஜெண்டினாவின் லயோனல் மெஸ்சி, போர்ச்சுகல் வீரர் கிறிஸ்டியானோ ரொனால்டோ ஆகியோர் அதிகபட்சமாக தலா 5 முறை வென்று ஆதிக்கம் செலுத்தி வருகின்றனர்.

10 ஆண்டுகள் ஆதிக்கம்.....
கடந்த 2008 முதல் சுமார் 10 ஆண்டுகளாக இவ்விருதை மாறி மாறி வென்று மெஸ்சி, ரொனால்டோ ஆகியோர் கால்பந்து ஜாம்பவான்களாக திகழ்ந்து வருகின்றனர். இந்நிலையில் இந்த ஆண்டுக்கான சிறந்த கால்பந்து வீரருக்கான விருதுகள் பாரீஸில் நடக்கும் நிகழ்ச்சியில் வழங்கப்பட்டது. லூகா மாட்ரிக் அசத்தல்:
இதில் ஜாம்பவன்களாக திகழ்ந்த போர்ச்சுகலில் கிறிஸ்டியானோ ரொனால்டோ, அர்ஜெண்டினாவின் லயோனல் மெஸ்சி அகியோரை பின்னுக்கு தள்ளி குரோசியாவின் லூகா மாட்ரிக் இவ்விருதை தட்டிச்சென்றார். இதன் மூலம் பிபா சிறந்த வீரர் விருதை வெல்லும் முதல் குரோசிய வீரர் என்ற வரலாறு படைத்தார் லூகா மாட்ரிக்.
* ஒட்டு மொத்தமாக இவ்விருதை வெல்லும் 10வது வீரர் என்ற பெறுமை பெற்றார் லூகா மாட்ரிக். கிறிஸ்டியானோ ரொனால்டோ இரண்டாவது இடம் பெற்றார். மெஸ்சி ஆறாவது இடத்துக்கு தள்ளப்பட்டார்.

* தவிர, சுமார் 10 ஆண்டுக்கு மேலாக ஆதிக்கம் செலுத்திவந்த ரொனால்டோ, மெஸ்சியின் ஆதிக்கத்துக்கு லூகா மாட்ரிக் முற்றுப்புள்ளி வைத்தார். முதல் முறை.....
சர்வதேச அளவில் சிறப்பாக செயல்பட்ட 30 ஆண் வீரர்களின் பட்டியலுடன், ஏற்கனவே அறிவித்தது போல 15 பெண்கள் வீராங்கனைகளின் பட்டியலும் வெளியிடப்பட்டது. இதில், நார்வேவின் ஆடா ஹெக்கர்பர்க் சிறந்த பெண்களுக்கான விருதை முதல் முறையாக வென்றார்.
கோபா டிராபி:
இதைத்தவிர, 21 வயதுக்கு உட்பட்ட சிறந்த வீரருக்கான கோபா டிராபி விருதும் ஏற்கனவே அறிவித்தது போல முதல் முறையாக வழங்கப்பட்டது.
இவ்விருதை உயிருடன் உள்ள 33 சிறந்த கால்பந்து வீரருக்கான விருது வென்ற மெஸ்சி, கிறிஸ்டியானோ ரொனால்டோ உள்ளிட்ட குழு தேர்வு செய்தது. இதை பிரான்ஸ் வீரர் கிளையன் மாப்பே வென்றார்.